Totoo nga kayang si Marco Gumabao ang bagong “baby boy” ni Cristine Reyes? Base kasi sa nakakita ng netizens ay sweet na sweet ang dalawa habang nagbabakasyon sila sa Siargao kamakailang lang.

Sa magkahiwalay na pagkakataon ay nakita rin sina Marco at Cristine na magkasamang ring namimili ng mga gamit para sa kanilang mga alagang aso.

Sa huling interbyu ng PUSH kay Cristine ay inamin nito na wala siyang karelasyon. Noong Valentine’s Day nga daw ay ang anak niyang si Amarah ang kanyang ka-date.

Iginiit din ng aktres na masaya ang buhay niya kahit wala siyang lalaki at hindi rin daw ito ang magbibigay sa kaya ng complete happiness dahil meron naman na siyang anak.

Nang tanungin naman si Marco kung may relasyon na sila ni Cristine, ang sagot nito kay Ogie Diaz ay “Itanong mo sa kanya.”

Sa ginanap na mediacon para sa bagong pelikula ni Marco na Baby Boy, Baby Girl kasama si Kylie Verzosa na mula sa ilalim ng direksyon ni Jason Paul Laxamana ay nagbigay siya ng maikling pahayag sa totoong namamagitan sa kanila ni Cristine.

BASAHIN: Gerald Anderson excited to play basketball in New Zealand

Ani Marco, “Kami ni Cristine, we’ve worked together since 2016 actually first teleserye ko, it was Tubig at Langis and I can say that we have formed a good relationship and solid friendship throughout the years.”

Ayon pa sa aktor, totoo daw na very close sila ngayon ni Cristine at madalas ding lumalabas-labas.

“Recently, we’ve been very, very close, we’ve been working out together and hanging out a lot,” sabi pa niya.

“Cristine is a very honorable person, click kami in terms of mga trip namin sa buhay, ugali namin, nagko-complement kami with each other,” dagdag pa ni Marco.

May label na ba ang kanilang closeness? 

Sagot ng binata, “Ha? Ano yon? Hahaha! Basta pag ano, malalaman n’yo naman pag ano na.”

Kung posibleng maging girlfriend niya si Cristine, ani Marco, si Cristine din daw ang makakasagot noon.

“Well, nasa kanya na yon!” matipid niyang pahayag.

BASAHIN: Bela Padilla kinilig sa chemistry nila ni Marco Gumabao sa ‘Spellbound’: ‘Shocking ito for me but in a very pleasant way’

Ipapalabas sa mga sinehan ang Baby Boy, Baby Girl sa March 22. Ang pelikula ay tungkol sa sugar dating at sa mga sugar babies.

Kasama nina Marco at Kylie sa movie sina Giselle Sanchez as Marco’s sugar mommy, Rey Abellana as Kylie’s sugar daddy, Yen Durano, Gino Roque, Migo Valid at Andrea Babiera.