Malaki ang iniwang impact ng yumaong Gina Lopez sa pagkatao ng host at newscaster na si Gretchen Ho. Inamin niya ito sa PUSH at sinabing ang format ng kanyang travel and adventure show na Woman In Action na may kasamang public service ay inspired sa ginagawa noon ni Ms. Gina sa G Diaries ng ABS-CBN.

Ayon sa athlete-turned-newscaster, bata pa lang din siya ay gusto na niyang magtrabaho sa mga non-governmental organizations o NGOs. Pakiramdam daw niya kasi ay nando’n talaga ang kanyang calling dahil gusto rin niyang makatulong sa iba’t ibang komunidad sa bansa in a sustainable manner.

“Ang kuwento nito talaga when I was young I imagined myself working for an NGO. Yon talaga yung gusto ko. Dati gusto ko mag-Gawad Kalinga, mag-Habitat for Humanity and I wanted to travel the Philippines and to help people and go to communities pero hindi ko alam kung anong gagawin ko don exactly,” pagtatapat ni Gretchen.

“Tapos ngayon, years later, I realized that I’m actually doing it already. So sabi ko, ang galing talaga ni Lord, pag meron ka talagang pangarap or calling and you stay true to that you’ll eventually be lead to that no matter what the detours are. So the show that I’m doing now is really an honor of that childhood dream,” sabi ulit niya.

Idinagdag din ni Gretchen na nakita niya kung paano pagmalasakitan ni Ms. Gina ang mga komnidad na pinupuntahan nito by giving them livelihood na puwedeng mapakinabangan sa matagal na panahon

“I always admire the late Gina Lopez. Isa siya talagang woman in action for me. Si Gina Lopez kasi I was able to join her do’n sa G Diaries niya (sa ABS-CBN). Nag-travel din kami because it’s a travel show also and we visited the communities na napalago niya through the Lingkod Kapamilya pati yung Kalikasan Foundation nila.

“Nakita ko talaga yung work niya that really brought livelihood to the communities through tourism, so sabi ko parang gusto ko rin n ganun na work,” inspiradong pahayag ni Gretchen na excited na sa pagpapalabas ng kannyang programa sa October 1 sa One News ng Cignal TV.

BASAHIN: Gretchen Ho welcomes back her driver: ‘Ito talaga ang pinaka namiss ko sa lahat’

Bukod sa yumaong host at advocate leader ay meron pang tatlong babae na hinahangaan si Gretchen at itinuturing niyang “women in action.”

“Gustung-gusto ko si Iza Calzado, favorite ko siya, nag-Darna na rin siya. Kasi napaka-graceful niya and ang ganda-ganda niya at napakabuti pa niyang tao. Favorite ko siya.

“Isa pa sa favorite ko si Angel Aquino. Nakasama ko naman si Angel sa public service dati tapos sabi ko napakasimple ng babaeng ito pero napakaganda niya. Pag nakita mo siya sa field tapos hinarap niya yung mga estudyante talagang lahat niyakap niya, hinalikan niya. Tapos sabi ko, ‘grabe nakakatuwa naman’ na somebody of her stature still be that humble and simple. Isa siya sa mga pegs ko in life.

“Isa pa, si Ma’m Charo (Santos). Kasi napakahusay niya sa storytelling, pati yung boses niya kuhang-kuha niya ang emosyon. These are different female pegs that I have,” pag-iisa-isa ni Gretchen.

During the interview ay ibinahagi rin ng TV host kung paano siya nagdedesisyon sa mga bagay-bagay.

Aniya, “Ako po yung taong iwe-weigh ko muna lahat ng bagay tapos hihingi ako ng advice sa lahat ng puwede kong kunan ng advice bago po ako magdesisyon.

“Ako yung type of person na if I decide on something solid na ako do’n. Ibig kong sabihin, ang tagal nung discerment process ko pero kapag nag-commit na ako dito maaasahan mo na ako na yon talaga at hindi na magbabago yung isip ko. Pero siyempre puwede pa rin naman kapag siyempre alanganin, although I’m really careful with my decisions.”

BASAHIN: Gretchen Ho apologizes to Vice Ganda for erroneous report

Nang mapag-usapan naman ang tungkol sa paghingi niya ng apology sa It’s Showtime host na si Vice Ganda dahil sa maling naiulat ng kanilang programa tungkol dito, ani Gretchen, itinuturing daw nilang wakeup call ang nangyari.

“Alam po namin talagang nag-admit naman po kami don sa newscast na nagkamali po kami don sa balita and we really did our investigation. I apologized to her, I texted her actually pati sa online.

“Kasi naiintindihan ko kung bakit siguro siya nainis o nagalit doon kasi alam ko rin yung pakiramdam na kapag may balita talaga about you it’s your reputation, your friendships at stake, so I understand and I think as the anchor of the show I hold myself accountable to that and kahit papaano it was a wakeup call for all of us to understand the gravity of our newscast, our stories,” lahad ni Gretchen patungkol sa nangyaring isyu.