• Home
  • Fresh Scoops
  • Sinabi ni Tanya Bautista-Navarro na maninindigan siya para sa asawang si Vhong Navarro hanggang sa huli.

Asawa ni Vhong Navarro, nagsalita na: ‘Hindi ako pumasok sa commitment sa kanya for nothing’

Sinabi ni Tanya Bautista-Navarro na maninindigan siya para sa asawang si Vhong Navarro hanggang sa huli.

Asawa ni Vhong Navarro, nagsalita na: ‘Hindi ako pumasok sa commitment sa kanya for nothing’-Pao Apostol
BY
Pao Apostol

FRESH SCOOPS

09/22/2022 09:29 AM
Asawa ni Vhong Navarro, nagsalita na: ‘Hindi ako pumasok sa commitment sa kanya for nothing’
Photo credit to @vhongx44 Instagram

Nagsalita ang asawa ni Vhong Navarro na si Tanya Bautista-Navarro kaugnay sa pinagdaanan ngayon ng It’s Showtime host. 

 
 
 
 
 
 
 
 
 
 
 
 
 
 
 

A post shared by Vhong Navarro (@vhongx44)

Matatandaang nakulong si Vhong sa isanampang kasong rape ni Deniece Cornejo. 


Kakagaling lang ni Tanya sa National Bureau of Investigation (NBI) kung saan binisita niya si Vhong bago siya humarap sa media.

Bagama’t nakausap na umano ni Vhong ang kanyang dalawang anak, hindi umano niya alam ang kung ano ang nararamdaman nito habang nakakulong ito lalo pa’t wala itong makausap dun. 

“It was the longest two days of our lives. I was referring to the back-to-back warrants of arrest,” ani Tanya.

READ: Vhong Navarro on arrest warrant: ‘Ang hirap paniwalaan’

Sinabi rin ni Tanya na hindi niya alam kung ano ang kanyang gagawin lalo pa’t sorpresa umano ang ginawang pag-atake sa kanila at hindi niya alam kung ano ang gagawin na tila ba wala silang kalaban-laban. 

“I would describe it as rollercoaster. Andun na kami sa point na patapos na pero hindi ko alam paano nila patutunayan itong mga sinasabi nila. It was reversed,” aniya. 

“This time iba ang ‘yung bagsak ng mga balita. You were being attacked na hindi ka prepared. Wala kang weapon, wala kang gear to protect yourself. Parang ganun ang pakiramdam ko,” dagdag pa niya. 

Ang susunod naman umano nilang gagawin na hakbang ang magpetisyon ng bail dahil naibigay na nila ang lahat ng ebidenya. 

Naguguluhan rin umano si Tanya dahil hindi niya alam kung ano ang nakikita nilang probable cause lalo pa’t hindi naman umano lumihis si Vhong sa kanyang kwento mula simula hanggang dulo. 

“Vhong was very consistent since Day 1. He confessed everything to me. So hindi ko alam kung ano ang nakikita nilang probable cause,” ani pa niya. 

Inamin naman ni Tanya nito na nakakaramdam siya ng pangamba para sa komedyante at TV host dahil sa posibilidad na mailipat ito sa Taguig City Jail. 

“That’s very scary. Threat ‘yun sa buhay niya. I think our lawyers also filed a motion para hindi na umabot doon. Ako right now, ang worry ko is security for Vhong. So lalaban kami at alam ko na ipapanalo namin ito.”

Pag-amin naman ni Tanya, hindi niya alam na marami ang mga taong sumusuporta kay Vhong lalo pa’t pinipili niyang hindi tingnan ang mga komento ng mga tao sa social media. 

“Thank you but I don’t read. Hindi ako ganun ka strong. Hindi rin naman lahat naniniwala kay Vhong. So I’d rather not read. So yung mga friends namin nagpapadala ng mga screenshots,” ani Tanya. 

“Hindi ako pumasok sa commitment sa kanya for nothing. Noong nangyari ito, magboyfriend, girlfriend pa lamang kami. Nakita ko kung gaano siya nagsasabi ng totoo kaya pinakasalan ko pa rin siya,” dagdag pa niya. 

READ: Vhong Navarro, nilipat na sa NBI detention center

Naniniwala naman umano si Tanya na may mga tao sa likod ng nangyayari na inilirawan niya bilang isang “smear campaign.” 

“We have an idea the people behind this smear campaign pero hindi ko naman masasabi. Suddenly we were being attacked. Wala kaming kalaban laban.”