• Home
  • Fresh Scoops
  • Nagbigay naman ng madamdaming mensahe si Boyet Ahmee para sa asawa nitong si Dimples Romana.

PANOORIN: John Lloyd Cruz at Bea Alonzo, sinorpresa si Dimples Romana sa kanyang kaarawan

Nagbigay naman ng madamdaming mensahe si Boyet Ahmee para sa asawa nitong si Dimples Romana.

BY
PUSH TEAM

Twitter: @Push_Alerts

FRESH SCOOPS

12/20/2020 05:56 PM
PANOORIN: John Lloyd Cruz at Bea Alonzo, sinorpresa si Dimples Romana sa kanyang kaarawan
Screenshot from Boyet Ahmee YouTube Channel

Nag-mistulang reunion ng cast ng hit Star Cinema film na One More Chance ang birthday surprise na inihanda ni Boyet Ahmee sa kanyang asawa na si Dimples Romana para sa kaarawan nito. 

 

 

Sa bagong vlog na inalabas ni Boyet sa kanyang YouTube channel, ipinasilip niya ang mga naging kaganapan sa inihanda niyang sorpresa para sa asawa niya na kung tawagin niya ay “Mahal Na Reyna.” 

Nagbigay naman ng emosyonal na mensahe si Boyet para kay Dimples na nagpaiyak sa Kadenang Ginto star. 

READ: Dimples Romana dedicates song to daughter Callie as she turns 17

“Dearest mahal na Reyna, what I really want to tell you my love is thank you. You are the reason why we are in a good place right now. You know it was not easy at first, but we got through it successfully,” saad ni Boyet. 

“17 years was not a stroll in the park when we started. But with all the happy as well as not so good memories, it made us stronger. And may this journey run smoothly,” dagdag pa niya. 

Ngunit ang akala ni Dimples na simpleng almusal lang kasama ang kanyang mahal na asawa ay muling nagpaiyak sa kanya nang biglang dumating sina John Lloyd Cruz at Bea Alonzo na nakasama niya sa pelikulang One More Chance.

 

 

“Napaka-special ko naman. Hindi ako makapaniwala. Para akong nananaginip … sobrang saya ko na nakita ko kayo,” ani ni Dimples. 

Tugon ni Bea kay Dimples: “Ganu’n talaga. Moment mo ‘to mars!”

“Ang sarap pala ‘no kapag people give you time and literal parang iniisip ko kanina, ‘Lord ano ba ‘tong nangyayari kasi parang one surprise after the other.’ Sa letter palang masayang-masaya na ako kasi si Boyet … he used to write me letters a long time ago,” ani Dimples.

READ: Dimples Romana releases new song ‘Hawak Ko Ang Kamay Mo’

Masaya naman si Boyet na naging matagumpay ang ginawa niya.

Pag-amin ni Boyet: “Well, natuwa ako. Ngayon ko lang siya talaga nagawan ng ganito kalaking surprise.” 

Panoorin ang video sa ibaba: 

Nilinaw naman ni Boyet na sinigurado niyang nagpa-swab muna lahat.

Aniya: “To my loyal subscribers, family, friends at basher friends, nagpa-swab po lahat ng involved dito at negative kami lahat. Kalma kalma lang at magpa-Pasko na. Labyu all!”