Marami ang naalarma sa sunud-sunod na cryptic post ni Ara Mina sa kanyang Instagram account bago ang Holy Week. Kung anu-ano ang naging espekulasyon ng iba na baka raw may kaugnayan sa relasyon nila ngayon ng asawang si Dave Almarinez ang cryptic posts.

Nataon pa na lumabas ang IG posts ni Ara pagkatapos ng mga cryptic post ng beauty queen na si Priscilla Meirelles tungkol kay John Estrada at sa diumano’y social media influencer from Cebu na nali-link dito.

Mensahe ni Ara sa kanyang IG stories, “LORD PLS…(praying hands emoji), PLS GUIDE ME… I’M SOMEWHERE BETWEEN GIVING UP AND SEEING HOW MUCH MORE I CAN TAKE.”

Nasundan pa ito ng isa pang post niy sa IG ng, “There’s a difference between giving up and knowing when you’ve had ENOUGH.”

BASAHIN: Mag-asawang Ara Mina at Dave Almarinez nagtayo ng bagong business

Kasunod naman nito ang isang Bible verse mula sa Philippians 4:13, “I can do all things through Him who strengthens me. Amen.”

Easter Sunday (April 8) nang i-message namin si Ara sa kanyang Viber kung ano ang ibig sabihin ng kanyang mga post at kung meron ba siyang pinagdadaanan lately.

“Uso ata ang cryptic post. Hahaha! Actually, wala akong idea sa cryptic post ng iba, hindi kasi ako updated. Hahaha!” mensahe niya sa amin.

“General kasi yung quote ko. Akala nila tuloy parang kay Dave. Hindi, no! I’m just referring to a friend,” kaagad niyang paglilinaw.

“Actually, mahilig lang talaga akong mag-post ng quotes. They can check #araminasfaveqoute sa IG,” giit ni Ara.

“Naisip nilla siguro na para kay Dave kasi nga meron ding ibang may pinagdadaanan. And if ever na may problema kami we solve it privately, and actually, mga petty quarrels lang minsan. Hahaha!” paliwanag ni Ara.

BASAHIN: 30 years and counting: Ara Mina ibinahagi ang sikreto ng staying power sa showbiz industry

Hindi rin daw nangangahulugan na kapag may mga ganun siyang post ay tungkol na ito sa asawa niya.

Aniya, “It doesn’t mean naman na sa asawa ko agad yon. Puwede rin yan sa work, friend or family. I’m a happy wife!

“Pasensya na sa mga nag-worry. Ang dami ding nag-message sa akin actually. Pero di ko na ma-explain sa socmed ko kasi nag-Holy Week na.

“Thank you sa lahat ng nag-message sa aming mag-asawa. We appreciate it.”

“Sabi ni Dave, bakit daw ang daming nagme-message sa akin and he found out na nag-post ako sa stories ko. Hahaha! Sabi niya, ‘Ano yan? Para kanino yan?’ Sabi ko, ‘secret.’ Sa friend ko, kay….”

“’Ah, kaya pala ang daming nagme-message din sa akin,’ sabi ni Dave. Tapos sabi pa niya, careful na lan daw ako sa pagpo-post. Hahaha,” sabi pa ulit ni Ara.

Sa last part ng convo namin ni Ara ay ibinalita rin niyang she is very thankful sa nangyayari sa kanyang showbiz career ngayon.

There’s so much to be grateful. I finished two films this year. Then may sisimulan ako kay Direk Adolf Alix, yung Poon.

“This May naman ang airing ng sitcom namin na Jack and Jill sa TV5 at yung one of my dream projects, ang Magandang ARAw,” huling pahayag ni Ara Mina.