JM de Guzman, sinorpresa ni Donnalyn Bartolome | ABS-CBN

ADVERTISEMENT

dpo-dps-seal
Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!

JM de Guzman, sinorpresa ni Donnalyn Bartolome

JM de Guzman, sinorpresa ni Donnalyn Bartolome

Leah Bueno

Clipboard

Hindi mapigilan ng netizens na kiligin matapos na sorpresahin ni Donnalyn Bartolome si JM de Guzman para sa kaarawan nito.

Sa Instagram, nag-post si JM ng mga retrato at video kuha mula sa birthday celebration na inihanda ni Donnalyn para sa kanya.

Makikitang dumalo sa kanyang surprise party ang pamilya at mga malalapit na kaibigan ni JM. Tampok din sa celebration ang kanyang mga iniidolong Fliptop rappers na sina Loonie, Smugglaz, Shehyee, at Anygma.

“Ako ay lubos na nagalalak sa mga dumayo sa aking kaarawan. Salamat sa bumati at babati palang. ‘Di ko inakala na makikita ko ng live mag-perform ang aking mga iniidolo na sina @loonieverse, @smugglaz.187, @shehyeeongkiko, Anygma, at Boss Bullet. Kayo ang mga inspirasyon ko at hanga ako sa inyong mga talent,” ani JM.

ADVERTISEMENT

Lubos namang pinasalamatan ni JM si Donnalyn sa pagsorpresa sa kanya.

“May ginintuan kang puso para mabigyan mo ako ng pagkakataon na lumigaya. Hindi pa ako nasorpresa ng ganito at lubos ang aking ligaya. Napakabuti mong tao,” ani JM.

Dagdag ng aktor: “Sobrang swerte siguro ng magiging boyfriend mo.”

Sa comments section, marami ang kinilig kina JM at Donnalyn at sinabing tila may namamagitan sa kanilang dalawa.

“Pag ganyang sorpresa, hindi ako naniniwalang friends lang,” ani ng isang netizen.

Dagdag pa ng isang fan: “’Di mag eeffort ang isang babae kung wala etong gusto sa isang tao. Nagluto pa tapos lahat ng lodi mo pinag sama sama… So may something.”

Ngunit sa bagong vlog na inililabas ni Donnalyn, nilinaw nito na hindi niya nobyo si JM.

“Girls, ‘wag kayong mag-alala. Hindi ko jowa si JM,” aniya.

Giit pa ni Donnalyn: “Lagi naman akong [ganito]. Lagi naman akong nagsu-surprise ng friends ko. Alam niyo naman ‘yan.”

Paliwanag ng vlogger, pasasalamat niya ito para kay JM sa pagsuporta sa kanya sa kanyang music video na “Shawty” kung saan tampok ang aktor.

ADVERTISEMENT

ADVERTISEMENT

It looks like you’re using an ad blocker

Our website is made possible by displaying online advertisements to our visitors. Please consider supporting us by disabling your ad blocker on our website.

Our website is made possible by displaying online advertisements to our visitors. Please consider supporting us by disabling your ad blocker on our website.