Nagsalita na sa unang pagkakataon ang aktor na si Paolo Contis tungkol sa isyung bumalot sa kanilang relasyon ng partner niyang si LJ Reyes.

Sa isang Facebook post, sinabi ni Paolo na binasag niya ang kanyang katahimikan dahil umano sa mga pambabatikos na nakukuha niya sa social media.

“After lumabas ang interview ni LJ, katakot takot na pang aalipusta at pambabatikos ang natanggap ko. I can’t say I don’t deserve it kaya tinatanggap ko lang ito,” ani Paolo.

Dagdag pa niya: “I understand all your frustrations. Gusto ko sana manahimik kaya lang marami nang mga nadadamay na hindi dapat kaya mas mabuti sigurong sagutin ko ang ilan sa mga ito.”

Dito, pinabulaanan din ni Paolo ang mga kumakalat na sinasaktan niya si LJ at ang mga anak nito na resulta nang kanyang pag-inom ng bawal na gamot.

“Merong nagsasabi na meron siyang reliable source that I take drugs and as a result, sinasaktan ko si LJ at ang mga bata. This is NOT true. Minahal at inalagaan ko sila. I never laid a finger on them,” ani Paolo.

Inamin din ni Paolo na minsan na siyang naging marupok at ikinakahiya umano niya ito.

“Aaminin ko, naging marupok at gago ako sa ilang taon naming pagsasama. I’m not proud of it. For that, I’m sincerely sorry. I’m truly ashamed of my actions,” ani Paolo.

Pinabulaanan naman ni Paolo na ang aktres na si Yen Santos ang dahilan ng kanilang paghihiwalay.

“She was never the reason of our breakup. I was. Kung matagal na kaming hindi okay ni LJ, it was mainly because of me. Masyado niyo siyang diniin sa issue na ‘to. Pati pag promote namin ng movie nabahiran na ng kung anu ano,” ani Paolo.

View this post on Instagram

A post shared by Paolo Contis (@paolo_contis)

Sinabi naman ni Paolo na siya mismo ang nag-imbita kay Yen sa Baguio nang lumipad si LJ papuntang Estados Unidos. Nag viral sa social media ang ilang mga larawan ng dalawa na magkasama at naging usap-usapan ng mga netizens. Ngunit hindi umano ito dapat bigyan ng malisya dahil magkasama sila doon bilang magkaibigan lamang.

“When LJ left for the States with the kids, I went to Baguio for 3 days dahil ayaw ko sa Manila at gusto kong makapag isip isip. Naging insensitive ako about the possible effects nung issue and I invited Yen for a day para may makausap since malapit lang siya sa North din. She went there as a friend. Hindi ko naisip na madadamay siya ng ganito. I’m sorry for this,” ani Paolo.

Nakiusap naman siya na tigilan na ang pamba-bash sa kanyang manager na si Lolit Solis.

“Please stop bashing her. Nanay ko si Lolit. Natural lang na ipagtanggol niya ako kahit mali ako. May nanay din kayo di ba? Hindi niyo alam ang mga pagalit at pangaral niya sa akin pag kami lang ang naguusap,” ani Paolo.

Pagpapatuloy pa nito: “Sinabihan ko na siya to stop protecting me. Ang sinabi lang niya ay ‘HINDI, ANAK KITA! HAYAAN MO AKO!’ For that, I’m sorry, Nay. And thank you! Sa inyo pareho ni Nay Cristy (Fermin).”

Manager ni Paolo Contis na si Lolit Solis, kinumpirma ang paghihiwalay ng aktor at ni LJ Reyes

Samantala, sinabi naman ni Paolo na nirerespeto niya ang desisyon ni LJ na lumipad papuntang US at sinabing sana ay makapag-usap umano sila upang maayos ang lahat balang araw.

“I was very clear to LJ when I told her I want to see and take care of Summer kahit hindi kami okay. But I understand and respect her decision to go to the States muna. Sana balang araw makapag-usap kami ng maayos para sa bata. Madami pang kailangan pag usapan pero sa amin na lang ni LJ yun at sana respetuhin niyo yun,” ani Paolo.

Humingi naman siya nang paumanhin sa lahat ng taong nadamay sa isyung kinasangkutan niya.

“I’m sorry sa lahat ng nadamay sa issue na to. I want to apologize to Lian (Paz, ang dati niyang asawa) and the kids, na nagulo na naman ang tahimik na buhay dahil sa akin. I’m sorry to my Mom. Please don’t worry about me too much. I’m sorry to my team na hindi na nakakatulog dahil sa akin,” sambit ni Paolo.

Isa-isa rin siyang humingi ng paumanhin sa kanyang pamilya kabilang na sina Summer, Aki (ang anak ni LJ kay Paulo Avelino), at LJ.

“To Summer, I’m sorry my Ganda. I love and miss you so much. Papa will do his best to be better. I will always be here for you. I promise,” ani Paolo.

“To Aki, I wish I could’ve done things differently and listened to you more. I’m sorry I failed you,” ani pa ni Paolo.

LJ Reyes, sinabing hindi mutual decision ang naging hiwalayan nila ni Paolo Contis

“To LJ, I’m very sorry. For everything. Sa lahat lahat,” sambit ni Paolo.

Nangako naman si Paolo na gagawin niya ang lahat upang pagbutihin pa ang kanyang sarili.

“I will work on making myself a better person and learning from this. But for now, please respect our privacy and pray for us. Ngayon kung hindi pa po kayo pagod, please direct all your hate and bashings at me. No one else deserves it, ako lang. Thank you,” aniya.

Tingnan ang kanyang buong pahayag sa ibaba:

Nauna nang naglabas ng pahayag si LJ Reyes tungkol sa nasabing isyu.