Naghiwalay na sina Janine Gutierrez at Rayver Cruz makalipas ang apat na taon nilang pagsasama.

View this post on Instagram

A post shared by JANINE (@janinegutierrez)

Sa isang panayam sa ABS-CBN News, sinabi ng isang source na malapit sa dalawa na isa’t-kalahating buwan na mula nang maghiwalay ang dating magkasintahan.

Ani ng source, matagal umanong hindi nagkita ang dalawa dahil sa mga lock-in tapings na alinsunod sa patakaran ng paggawa ng mga programa at pelikula sa gitna ng pandemya.

“They haven’t seen each other for a long time because of the lock-in tapings,” ani ng source.

Parte si Janine ng hit ABS-CBN series na Marry Me, Marry You kung saan kasama niya si Paulo Avelino. Samatala, kakatapos lang ng proyekto ni Rayver sa kabilang network na isa ring serye.

READ: Janine Gutierrez at Rayver Cruz, hiwalay na?

Dagdag pa ng source: “Perhaps they drifted apart.”

Gayunpaman, nilinaw ng source na walang third party sa hiwalayan ng dalawa.

“No third party was involved,” ani ng source.

Matatandaang ilang taon ding nagsama ang dalawa sa ibang network bago nagdesisyon si Janine na lumipat sa ABS-CBN.

Sa ngayon, wala pang nilalabas na pahayag ang dalawa tungkol sa nasabing isyu.

Naging maugong ang usap-usapan tungkol sa hiwalayan ng dalawa matapos mag-post ang kapatid ni Rayver na si Rodjun at sister-in-law nito na si Dianne Medina na nagpapahiwatig ng suporta para sa kanya.

Bagama’t hindi nabanggit ang pangalan ni Janine, marami ang naniniwala na may kinalaman ito sa relasyon ng dalawa.