Excited na ang Viva artist na si Cindy Miranda sa mga aabangang na proyektong kinabibilangan niya ngayong 2020. Matapos ang sexy lesbian film na Adan, kasalukuyang nasa training si Cindy para sa movie remake ng Filipino folk hero na Pedro Penduko.

Sa kaniyang interview matapos ang story conference para sa bagong film project, sinabi ni Cindy na tuluy-tuloy ang kaniyang training kasama ang bidang gaganap na si Matteo Guidicelli.

"Ako po yung kontrabida, with Kuya Arjo (Atayde)," pagbabahagi ni Cindy sa press.

Bukod sa Pedro Penduko, kasama rin si Cindy sa isa pang proyekto sa ilalim ng Viva Films, ang Pinoy remake ng Korean movie na Spellbound na pagbibidahan ni Marco Gumabao at Bela Padilla.

Ayon kay Cindy, gusto niyang mas maging active sa social media para ma-update ang mga fans sa mga proyektong ginagawa at aabangan sa kaniya ngayon.

"I think yun ang kailangan kong baguhin kasi kailangan kong mag-update e. Sometimes they don't know na I'm doing this pala, ‘yung Spellbound, I never posted about it. And even yung mga guestings ako, kunyare It's Showtime, hindi ko na napopost," pahayag ni Cindy.

View this post on Instagram

5:👀

A post shared by Cindy Miranda (@cindy) on Jan 23, 2020 at 1:01am PST

READ: Enchong Dee, Cindy Miranda, bibida para sa historical fiction movie na ‘Muelle De Binondo’

Bibida rin ang aktres sa isang historical fiction movie na Muelle De Binondo. Sa ilalim ng produksyon ng Neo Blu-Media, ito ang unang pagkakataong makakatambal niya si Enchong Dee.

EXCLUSIVE: Cindy Miranda, natulala nang unang mapanood ang kanyang mga daring scenes sa ‘Adan’

Bago pasukin ang showbiz, kilala bilang beauty queen si Cindy sa titulong Binibining Pilipinas Tourism 2013. Isa rin siya sa mga housemates ng Pinoy Big Brother Unlimited edition noong 2011.