sHindi lang condo unit ang ipinamigay ni Ara Mina sa beteranang aktres na si Deborah Sun. Previously, binigyan din niya ng brand new car ang kanyang publicist sa showbiz.

Isang modelong Suzuki Celerio Gold ang ibinigay niya sa writer dahil sa matapat na pagsisilbi nito kay Ara. Seven years namang nakatira nang libre si Deborah sa condo unit ni Ara sa Cubao, Quezon City.

Ito ang unang investment ng aktres pagkatapos niyang mapabilang noon sa That’s Entertainment.

“Every day she sends me words of wisdom, Bible verses. Kahit hindi ako nakaka-reply everyday niya ako pinapadalhan. Sumasagot lang ako ng emoticon or amen dahil busy rin naman ako.

“Nawala na sa isip ko na seven years na pala yon. One time, tinawagan ko siya kasi I've never visited her. Pumunta ako doon one time pero hindi ako pumasok. Pero sobrang tagal na pala non,” kuwento ni Ara sa PUSH.

“Sabi ko, ‘Kumusta na kayo diyan, video-han mo, Tita, para makita ko kung maayos ba d'yan or may kulang pa kayo.’ So, ayun, umiyak lang siya.

“Sabi niya, ‘Aayusin ko muna anak.’ Sabi ko, ‘Huwag ka ng umiyak.’ Sabi niya, 'Pina-paalis mo na ba ako?’ Sabi ko, ‘Hindi,’” pagbabalik-tanaw ni Ara sa isa sa mga huling pag-uusap nila ni Deborah.

Ang condo sa Quezon City ang unang investment ni Ara simula nng mg-artista siya.

Aniya, “That was my first investment. Siguro una ko siyang na-purchase mga 1997 or 1998, the time I left That's Entertainment.

“Masarap tulungan si Tita Deb. She's appreciative. Lagi niyang sinasabi papatayuan na kita ng monumento,” natatawang sabi pa ni Ara.

Masaya din si Ara na may nagma-manage na ngayon sa aktres.

“I’m happy may nagma-manage na sa kanya—si Tyronne Escalante (manager din ni Jane de Leon). So, puwede na po ninyong kunin sa work si Tita Deborah,” saad pa niya.

Samantala, katatapos lang magdiwang nina Ara at Dave Almarinez ng kanilang ika-dalawang taong wedding anniversary nitong June 30, 2023. Pero until now ay hindi pa rin nagkakaanak ang dalawa dahil na rin sa dami ng workload ni Ara.

Ara is hosting a lifestyle/magazine show sa Net25 titled Magandang ARAw na si Piolo Pascual ang naging guest sa kanyang pilot episode noong July 15 (Sabado), 3 p.m.

Ani Ara, matagal na raw niyang kaibigan si Piolo.

Bukod dito, kasama rin si Ara sa pelikulang Litrato na ipapalabas na sa July 26, 2023. Ang pelikula ay pinagbibidahan naman ni Ai-Ai delas Alas mula sa direksyon ni Louie Ignacio.

So, postponed na naman ulit ang pagbuo ng kanilang baby?

“Ako na ang nag-request kay Dave na next year na kami magka-baby. Plinano namin na next year na kasi parang next year na talaga naka-tadhana na magkaroon kami ng baby. Sabi naman niya, 'Bigyan mo na ako ng date para magbakasyon naman tayo ng apat na araw bago tayo umariba muli sa trabaho. Itong July, we will have a date. Hindi ko pa alam kung saan kami kasi mag-bi-birthday na rin siya,” pahayag ni Ara sa PUSH.

Paano ba ang set-up nila pagdatin sa finances sa bahay?

“Tulungan kami ni Dave. Nagbibigay siya ng money sa akin pero hindi naman ako nagbibigay sa kanya. One thing na maganda sa kanya is may kusa siya. Hindi ako humihingi ng allowance sa asawa ko.

“Kung ano ang ibinigay niya, I just accept it. That's why he loves me. He's very generous. I can say I'm happy and content with my life now,” huling pahayag ni Ara sa PUSH.

Narito naman ang ilan sa mga komento ng netizens tungkol kay Ara at sa kanyang ginawa.

“More blessings to you Ara. I salute you… You’re so beautiful in and out.”

“Ang pagtulong sa kapwa ay hindi kailangang malaman pa ng iba. Yung nasa itaas ang gaganti sa mga nagagawang kabutian sa ibang tao. Mabuhay ka, Ara!”

“Sana lahat ng may kaya katulad ni Ara Mina na handang tumulong sa mga nangangailangan. Big heart sa ‘yo, Ma’am Ara Mina. God bless you more po.”

“God bless Ara Mina. Isa kang bayani. I salute you by being generous sa iyong mga co-stars. God bless you more. A lady with a heart of GOLD.”

“Napakabuti mo Ma’m Ara Mina. Sana dumami pa ang katulad mo. God bless you and more blessings to come.”