Maraming naka-line up na trabaho si Ara Mina ngayong 2023 kaya kung hindi raw ipagkakaloob na magka-baby sila ng husband niyang si Dave Almarinez this year ay okay lang naman. May ibang panahon naman daw para dito.

“Feeling ko next year na ako magbubuntis, kaya work muna ako. Kasi, sayang din yung work, di ba?” pahayag ni Ara.

Nakausap ng PUSH ang award-winning actress sa storycon ng pelikulang Litrato na first project niya for 2023.

Sinisiguro naman ni Ara na sa edad niyang 43 ay capable pa rin siya to bear a child at sundan ang panganay niyang si Mandy.

“Nagpa-check naman ako, okay naman daw ako. I don’t have any problems. Hindi ko pa kailangan ng IVF or something. Marami pa raw akong napu-produce na eggs or fertile pa ako. Healthy pa raw. Basta okay siya,” sabi pa niya.

BASAHIN: Ara Mina at Dave Almarinez hopeful sa baby na ‘Made in Hungary’

Lalaki ang gustong maging anak nina Ara at Dave. At ayon mismo sa aktres ay nagre-research siya kung paano gumawa ng baby boy.

Lahad ni Ara, “Pinag-aaralan ko kung papano maging boy. Kasi sa mga Chinese-Chinese daw… meron nang nagbigay sa akin ng tips.

“So, ita-try ko kung papano maging boy. Sa Chinese may ganun daw kasi para maging boy siya. Kasi pag naka-boy, kumpleto na ako. Kasi okay na ako kay Mandy, eh. Sobrang sweet niya.”

Hindi naman nagbigay ng detalye si Ara kung paano bumuo ng baby boy na base sa kanyang research.

“It’s not a position. It’s a date. Date from your period or something. Pero ayoko muna i-reveal. Ita-try ko muna. Pag effective siya sa akin, I will share it to you guys,” wika pa niya.

Eh, what if bigla siyang mabuntis?

Sagot niya, “Kung ibibigay, kasi pag magwu-work ako, kung biglang ibibigay, let’s decide on my work kung sasabihin ko sa mga producers, ‘Ay! Buntis na po ako.’ Pero sa ngayon, work muna tayo kung wala pa.”

BASAHIN: Ara Mina throws pool party for daughter Amanda

Thankful naman si Aras a pagiging very supportive and understanding ng kanyang asawa sa mga ginagawa niya sa showbiz.

“Thankful naman ako, kasi hindi naman ako ipinagbabawal ng husband ko mag-work. Pag work, sige go! Dami pa dumarating na projects, eh. Ibig sabihin, hindi pa panahon ako mag-baby,” sabi ulit ng aktres.

Samantala, masaya si Ara na halos back to normal na ang lahat at uso na ang face to face na mga events.

“Siyempre na-experience ko nung nagte-taping ako nung pandemic ng Ang Probinsyano, grabe. Kung nakakatangos ng ilong yung kaka-swab, quota na ako.

“Kasi sa sobrang… every exit, pasok – swab. Pag merong nag-positive, swab ka na naman, ganyan. Para ka nga ano… hindi naman ako na-paranaoid and thank God never pa akong nag-positive.

“Sa taping naman ngayon mas gusto ko yung uwian, siyempre it’s really hard nung time na yon dahil may anak ako, eh, di ba? One month na hindi ko nakikita si Mandy, buti na nga lang may Facetime. So ngayon, nakakatuwa kasi hindi na rin lock in yung mga work. Atigen-antigen na lang. At part na siya ng routine natin, ng life,” pahayag pa ng sexy actress turned entrepreneur.