Nais ng aktor na si Cesar Montano na magkabalikan sina Sunshine Cruz at dati nitong partner na si Macky Mathay. 

Si Kath Angeles ang current partner ngayon ni Cesar Montano. Boto rito ang estranged wife ng aktor na si Sunshine Cruz.

 In fact, may panawagan pa nga si Sunshine para sa dating asawa. 

BASAHIN: Sunshine Cruz says reconciliation with Cesar Montano completed ‘lacking piece’ in their daughters’ hearts

Aniya: "Magpakabait ka na diyan kay Kath. Napakaganda, napakabait, napakasuwerte mo. Mag-behave ka.”

Nagbigay naman ng reaksyon dito ang aktor.

"Oo nga, eh, mayroon siyang advice. Advice ko rin sa kanya, sana si Macky na,” pagturan naman ni Cesar nang makausap siya ng PUSH sa Martyr or Murderer (MoM) mediacon.

Si Macky Mathay ang ex-boyfriend ni Sunshine. Half-brother naman siya ni Ara Mina.

Sabi pa ni Cesar: “Ang bait-bait nung tao, ang guwapo-guwapo pa. Na-meet ko, eh. Sana sila na.”

Magkaganun man, ayaw daw niyang pangunahan si Sunshine.

“Pero wala akong kinalaman diyan, buhay niya yan, eh. But my prayer for them, of course, is maging maayos,” paglilinaw naman niya.

Noong February 2, 2023, kinumpirma ni Sunshine na hiwalay na nga sila ng boyfriend. Trust issue daw ang dahilan ng hiwalayan.

Ngayon ay okay na ulit ang relasyon nina Sunshine at Cesar. Naging magkaibigan ulit ang dating mag-asawa pagkatapos nang matagal na panahong hindi sila nagkikibuan dati.

“Of course, I thank God for it. It's everybody's prayer, I think, na maayos ang isang pamilya. Marami tayong kaibigan na nagpe-pray for us," lahad ng aktor.

BASAHIN: Sunshine Cruz thanks Macky Mathay for being the best father figure to her kids

“Ako, wala ngang effort, eh. Prayer lang 'yun. Constant prayer lang. Hindi lang ako, pati mga kaibigan namin,” dagdag pa niya. 

Ayaw namang magbigay komento ni Cesar sa pahayag ni Teresa Loyzaga, dati niyang karelasyon na hindi pa rin sila on speaking terms.

Si Diego Loyzaga ang anak nina Cesar at Teresa. Magkasama sina Cesar at Diego sa MoM.

“Basta gusto ko lahat maayos,” tanging sambit ng actor-director.

“Of course, I thank God, I praise God, and only God can do that. Only a great God can do that, na maayos lang ang pamilya mo.

“Ako naman I just waited for it and I kept praying for this situation to happen,” huling pahayag ni Cesar.