Aminado si Vina Morales na masaya at inspirado siya ngayon sa kanyang buhay pag-ibig.

Kamakailan ay naging laman ng balita ang aktres matapos niyang magbahagi ng mga retrato kasama ang isang lalaki habang nagbabakasyon sa Boracay.

Kwento ni Vina sa Magandang Buhay, una niyang nakilala ang kanyang napapababalitang nobyo na si Andrew Kovalcin halos dalawang dekada na ang nakakaraan.

"Ako naman ay masaya. Inspired ako and kinikilig, tumitibok ang puso ko. It's been a while, parang ang tagal na,” pag-amin niya.

“I don't want to give so much details but then na-post ko rin sa IG ko 'yon na I met him 21 years ago. So 'yung story namin is parang teleserye din. I met him when I did a show in Hawaii 21 years ago, wala pa akong Ceana,” ani Vina.

Si Ceana ay anak ng aktres sa dati niyang partner at businessman na si Cedric Lee.

Kwento ni Vina, muli silang nagtagpo ni Andrew noong mag-concert siya sa Miami nito lamang Agosto.

"We've been in touch. And then bigla na lang I don't know itong trip ko na ito, itong tour, he watched my show in Miami. And then doon na nag-start lahat, ulit,” kwento niya.

“All the time he's always been in touch, e-mail, hindi ko lang nababasa masyado, pati sa Instagram parang ganun. But he is really a nice guy.”

Dagdag ni Vina, “I am praying. Let's see where God will lead us, bahala na. Hindi pa natin alam kung saan, basta pampapakilig okay na 'yon, paminsan-minsan mag-post."

READ: Is Vina Morales back on the dating scene?

Dati nang sinabi ni Vina sa panayam din sa Magandang Buhay na hiling niya na matagpuan na ang lalaking para sa kanya.

“Wish ko rin naman 'yon. Actually isa rin 'yon sa ipinagdarasal ko rin talaga,” aniya.

"Hindi ko alam kung kailan, pero in God's time mangyayari naman 'yon.”

Matatandaang huling nakarelasyon ni Vina ang French businessman-boyfriend niya na si Marc Lambert. Tumagal din nang dalawang taon ang kanilang pagsasamahan bago sila naghiwalay noong 2017 dahil sa long distance.