Labis na pagluluksa ngayon ang bumungad sa mundo ng showbiz sa biglaang pagpanaw ng radio at TV host na si Shalala Reyes o Carmelito Reyes sa tunay na buhay.

Umaga nitong Miyerkoles, June 23, pumanaw si Shalala sa edad na 61 sa Fe Del Mundo Hospital sa Quezon City dahil sa komplikasyon ng tuberculosis at pneumonia.

Ayon sa kaanak na si Melissa Reyes, pumanaw nitong pasado 7:30 ang kanilang kaaanak at nilinaw na negatibo ito sa COVID-19.

Plano rin ng kanilang kaanak na iburol si Shalala sa St. Peter sa Quezon Ave.

Sa ngayon, wala pang detalye sa iba pang plano ng pamilya.