Nais ni Alex Gonzaga na magkaroon ng dalawang anak, kasunod ng pagpapakasal niya sa nobyong si Mikee Morada noong nakaraang taon.

Ito ang naging pag-amin ng aktres at vlogger nang maglaro sila ng kaniyang asawa ng "Newlywed Game" sa kanyang vlog, kung saan sinalang ang dalawa sa serye ng mga tanong para malaman kung gaano nila kakilala ang isa't isa.

Sa laro, ibinahagi ni Alex ang plano nila ni Mikee na bumuo ng sariling pamilya sa susunod na limang taon.

"In five years, we'll probably have two kids. Isang toddler tsaka isang baby. Tapos nakatira na kami doon sa pinagagawa naming bahay na tinulungan kami ng parents namin pareho," ani Alex.

WATCH: Alex Gonzaga and Mikee Morada give a tour of site of future home

Matatandaan na simula noong ikinasal sila ni Mikee ay ilang beses nang napabalitang buntis si Alex.

Nito lamang Marso, muling naging laman ng balita ang aktres matapos niyang mag-tweet tungkol sa isang malaking biyaya na inakala ng marami ay may kinalaman sa pagbubuntis.

"Wow!!! Thank you Lord!!!! Today isn’t really an ordinary day!!! I got a big blessing today! Praise God! Claim mo talaga!" ani Alex sa kanyang tweet.

Ngunit agad itong pinabulaanan ni Alex at sinabing ibang biyaya ang tinutukoy niya.

"Wooops. Sorry hindi pa po. Ibang blessing po sinasabi ko. Waking up every morning is a already a blessing," aniya.

BASAHIN: ‘Ibang blessing po sinasabi ko’: Alex Gonzaga clarifies pregnancy rumors anew

Nobyembre 2020 nang magpakasal sina Alex at Mikee, matapos ang apat na taon bilang magkasintahan. Ginanap ang kanilang civil wedding sa bahay ni Alex sa Taytay, Rizal.