• Home
  • Fresh Scoops
  • 11 years stronger together sina Kathryn Bernardo at Daniel Padilla na nagsama sa maraming successful Kapamilya projects.

Ano nga ba ang sikreto ng matibay na love team nina Kathryn Bernardo and Daniel Padilla?

11 years stronger together sina Kathryn Bernardo at Daniel Padilla na nagsama sa maraming successful Kapamilya projects.

Ano nga ba ang sikreto ng matibay na love team nina Kathryn Bernardo and Daniel Padilla?-Kiko Escuadro
BY
Kiko Escuadro

Twitter: @Simplengbinata

FRESH SCOOPS

09/29/2022 06:43 PM
Ano nga ba ang sikreto ng matibay na love team nina Kathryn Bernardo and Daniel Padilla?

Fresh from their lock-in tapings para sa hit Kapamilya series na 2 Good 2 Be True, nagbigay oras sina Kathryn Bernardo at Daniel Padilla para magbigay ng pasasalamat sa kanilang fans bilang bahagi ng kanilang 11th year together as the KathNiel love team.

Para sa KathNiel tandem, aminado sila na hindi nila inakala na aabutin sila ng 11 taon na magkasama at matatag.

 
 
 
 
 
 
 
 
 
 
 
 
 
 
 

A post shared by Push (@pushalerts)


“I know, grabe ‘yung 11 years na yun sa totoo hindi namin namalayan na 11 years na, ‘Yun ang bills ng lahat ng mga nangyari,” bungad ni Kathryn. “But then ang purpose naman talaga ng event ngayon is like thanksgiving dinner kasi nag 10th year anniversary but because of the pandemic. Hindi na namin na celebrate hanggang sa nag 11th na.”

Kasama ang piling miyembro ng kanilang fans club, nagmistulang meet and greet and bonding with KathNiels ang dinaluhan ng kanilang mga fans na patuloy ang mainit na suporta sa kanilag tambalan.

“So ngayon kino-collect namin ngayon ang konti from the fandom. Kasi ang tagal namin na hindi nag mall show so ‘yun, gusto lang namin ipa-feel sa kanila how grateful we are sa suporta nila for 11 years, so itong gabi na ito para sa kanila talaga ito,” ani Kathryn.

 
 
 
 
 
 
 
 
 
 
 
 
 
 
 

A post shared by Star Magic (@starmagicphils)

Gaya nang excitement ni Daniel na bakas pa ang pagod sa kanilang lock-in taping, ramdam niya ang hindi lumalamig na pagmamahal sa kanila ng kanilang mga fans na kasama nila sa kanilang journey.

“Yeah 11 years parang hindi mo na rin napapansin kasi ang bilis ng panahon. Kaya andito kami ngayon para magbigay ng pasasalamat para sa 11 years na suporta na ibinibigay nila sa amin and siyempre ang loyalty na ibiniigay nila sa amin,” ani Daniel.

Looking back on their journey as KathNiel, happy and proud rin si Kathryn sa tila kasabay nilang nag-grow ang kanilang mga fans na bahagi na ng working class ngayon at bumubuo na ng kanilang mga pamilya.

“Actually nag-grow kami ni DJ individually and also together as a team as a love team and alam mo ‘yung nakakatuwa, kasi kasama namin nag grow pati ang mga fans and ‘yun ang sinasabi namin sa kanila palagi na dapat, sabay-sabay kami sa lahat and ayun nakakatuwang makita na ‘yung iba naka-graduate na, ‘yung iba nagta-trabaho na and ‘yung iba may pamilya na. So parang ‘yung journey na ito, parte talaga sila e kasabay namin sila mag-grow and nakakatuwa lang talaga na akita na hanggang ngayon, andyan pa rin sila tuloy-tuloy and parang walang nag-bago so napaka-suwerte namin,” sambit ni Kathryn.

Sa parehong panayam, hindi naman naiwasan na maitanong kung ano nga ba ang masasabi nilang sikreto nila sa kanilang matibay na tandem.

“Ang natutunan namin, na mas mamahalin ka ng tao, kapag pinakita mo ang totoo sa iyo,” ani Kathryn. “Kasi ganun kapag fan e, ako fan rin naman ako ng ibang tao pero mas ina-idolize mo ang isang tao kapag nakikita mo na siya ng tao siya nang tao siiya. So ayun siguro, ayun ang natutunan namin na tatanggapin nila kami, kahit na ano pa.”

Ang dedikasyon naman sa kanilang trabaho ang nakikitang sikreto ni Daniel na masasabi rin niyang maari niyang ibahagi sa iba pang rising love teams.

“Hard work. Kasama na rin yung suporta ng mga fans. Siyempre pangalawa ‘yung trabaho na ibinibigay namin pareho ni Kathryn for every project na ibinibigay rin sa amin, the effort, the love. Wala naman talagang secret e, you just work hard for it,” pahayag ni Daniel.

Sa ngayon, tutok muna sina Kathryn at Daniel bago sumabak sa kanilang upcoming movie under ABS-CBN Films.