• Home
  • Fresh Scoops
  • Biro ni Angelica Panganiban sa kaibigang si Kim Chiu: ‘May pa-contest po ba sa pagiging ninang?’

Angelica Panganiban, ikinatuwa ang regalo ni Kim Chiu para sa kanyang baby

Biro ni Angelica Panganiban sa kaibigang si Kim Chiu: ‘May pa-contest po ba sa pagiging ninang?’

Angelica Panganiban, ikinatuwa ang regalo ni Kim Chiu para sa kanyang baby-Leah Bueno
BY
Leah Bueno

Twitter: @Push_Alerts

FRESH SCOOPS

09/21/2022 11:44 AM
Angelica Panganiban, ikinatuwa ang regalo ni Kim Chiu para sa kanyang baby
Photo credit to @iamangelicap and @chinitaprincess Instagram

Tila nag-enjoy sa pagsha-shopping si Kim Chiu para sa baby ng kanyang matalik na kaibigan na si Angelica Panganiban.

Sa Instagram Stories, lubos na ikinatuwa ni Angelica ang natanggap na padala mula kay Kim na naglalaman ng iba’t ibang gamit para sa kanyang baby girl, kabilang na ang side bed at rocker, swaddle wrap blanket, damit, at mga sapatos.

Angelica Panganiban, ikinatuwa ang regalo ni Kim Chiu para sa kanyang baby


Angelica Panganiban, ikinatuwa ang regalo ni Kim Chiu para sa kanyang baby

Angelica Panganiban, ikinatuwa ang regalo ni Kim Chiu para sa kanyang baby

“Grabe ‘yung Ninang Kimmy. Hindi po siya nagpakabog sa mga padala. Ayaw po niya ‘yung napag-iiwanan siya. Tingnan po ninyo, akala ko anak niya,” hirit ni Angelica.

“Parang kinakabahan ako. Parang ipinabitbit lang sa sinupupunan ko ang bata. Parang kukunin po niya sa dami po ng kaniyang ipinadala. Baby mo ba ‘to, Momsy?”

Biro ni Angelica, sana ay pati education plan ng kanyang baby ay ipinadala na rin ni Kim.

“Ang dami-dami. It’s never-ending. We’re such happy parents,” ani ng aktres. “Thank you so much. We love you.”

Sagot naman ni Kim kay Angelica: “Queen B is Queen B! Love you, Momsy! Nag-enjoy ako mamili. Nagpigil ako niyan!”

Matatandaang matagal nang matalik na magkaibigan sina Angelica, 35, at Kim, 32. Parte sila ng grupong “AngBeKi” kasama ang kapwa aktres na si Bela Padilla. Nito lamang nakaraang linggo nang muling nagsama-sama ang tatlo matapos na umuwi ni Bela galing sa UK.

READ: Angelica Panganiban feels grateful to have her friends

Si Angelica ay malapit nang manganak sa baby nila ng kanyang non-showbiz partner na si Gregg Homan. Marso nitong taon nang kinumpirma ng aktres ang kanyang pagbubuntis.