• Home
  • Fresh Scoops
  • May nilinaw si Pokwang tungkol sa hiwalayan nila ni Lee O’Brian.

EXCLUSIVE: Pokwang sa hiwalayan nila ni Lee O’Brian: ‘Maayos naming tinapos ang lahat, hindi kami pait-paitan’

May nilinaw si Pokwang tungkol sa hiwalayan nila ni Lee O’Brian.

EXCLUSIVE: Pokwang sa hiwalayan nila ni Lee O’Brian: ‘Maayos naming tinapos ang lahat, hindi kami pait-paitan’-Leo Bukas
BY
Leo Bukas

Twitter: @leobukas

FRESH SCOOPS

07/09/2022 07:26 PM
EXCLUSIVE: Pokwang sa hiwalayan nila ni Lee O’Brian: ‘Maayos naming tinapos ang lahat, hindi kami pait-paitan’
Photo Credit: @itspokwang27 on Instagram

Kumpirmadong hiwalay na nga sina Pokwang at ang boyfriend nitong part time actor na si Lee O’Brian. Last November 2021 pa naghiwalay ang dalawa kaya bale seven months na silang hindi nagsasama. 

Nagsimula itong mapansin ng netizens nung palitan ni Powang at gawing “Mamang Pokwang” ang brand name ng mga ibinebentang pagkain at condiments mula sa dating “Pok-Lee” na kumbinasyon ng pangalan nila ni Lee. 

Minissage namin si Pokwang para kumustahin siya at kunin na rin ang kanyang panig sa isyu at kaagad naman siyang sumagot sa amin. 


“I’m okay, Mare. We’re okay. No third party involved and we’re both co-parenting kay Malia,” simulang mensahe sa amin ng actress-TV host. 

Patuloy ni Pokwang, “Maayos naming tinapos ang lahat. Hindi kami pait-paitan. Hahahaha.” 

Read: Pokwang marks daughter Malia's 4th birthday

Wala rin daw problema kahit pa magpunta sa bahay niya ang dating karelasyon at ama ni Malia. 

“In fact, welcome siya sa bahay. Every weekend ay magkakasama kami. Seven months of surviving and peace ‘ika nga,” lahad pa niya. 

May mensahe rin si Pokwang sa kanyang mga bashers na nagsasabing na-karma siya kaya hindi naging successful ang relasyon niya kay Lee. 

“Pakisabi sa mga bashers na nagsasabing karma ito—NO!!! Hahaha! Do not wish anything bad sa kapwa, yon ang karma. Babalik sa kanila yan! 

“Nililinis lang ni God ang daraanan ko papunta sa tamang tao at sa mas maraming blessings na nakapila na. Salamat, mare. Love you,” huling mensahe niya sa amin. 

Read:Pokwang lambasts ‘Aryana’ co-star Ella Cruz: ‘Mabuti pang ibalik na kitang muli sa dagat ‘nak’

Samantala, may ibang tirahan na ngayon si Lee dito sa Pilipinas and anytime soon ay babalik na rin ito sa Amerika.