• Home
  • Fresh Scoops
  • Naghahanda na ang Popstar Royalty na si Sarah Geronimo para sa kanyang pagbabalik sa showbiz.

Sarah Geronimo, maglalabas ng comeback single

Naghahanda na ang Popstar Royalty na si Sarah Geronimo para sa kanyang pagbabalik sa showbiz.

Sarah Geronimo, maglalabas ng comeback single-Leah Bueno
BY
Leah Bueno

Twitter: @Push_Alerts

FRESH SCOOPS

07/22/2022 10:37 AM
Sarah Geronimo, maglalabas ng comeback single
Photo credit to @vivaartistsagency Instagram

Naghahanda na ang Popstar Royalty na si Sarah Geronimo para sa kanyang pagbabalik sa showbiz.

Kamakailan ay muling bumisita si Sarah sa headquarters ng kanyang talent agency na Viva, ayon sa post nito sa Instagram Huwebes, Hulyo 21.

"LOOK: SURPRISE!! The Popstar royalty @justsarahgph is here at the Viva HQ," ani Viva.

Bukod sa kanyang nakatakdang pagbabalik sa ASAP Natin 'To, dapat din umanong abangan ng fans ang nalalapit na paglabas ng comeback single ni Sarah, ayon sa agency.

"Watch out for her comeback single! Malapit na malapit na."

Nito lamang linggo nang maglabas ng teaser ang ASAP kung saan kinumpirma nito ang pagbabalik ni Sarah sa programa.

"THE LONG WAIT IS OVER! SHE IS BACK!"

Bagamat hindi active sa showbiz nitong mga nakaraang taon ay maraming pinagkakaabalahan si Sarah, kabilang na ang kanyang baking business at ang pagpapatayo ng studio nila ng mister na si Matteo Guidicelli.

Kamakailan lamang ay lumipad papuntang Italy ang mag-asawa upang magbakasyon. Matatandaang ikinasal ang dalawa noong Pebrero 2020 matapos ang anim na taon bilang magkarelasyon.