• Home
  • Fresh Scoops
  • Masaya si Andrea Brillantes sa professional working status nila ni Seth Fedelin.

Andrea Brillantes, nagbigay ng kanyang saloobin sa FranSeth tandem

Masaya si Andrea Brillantes sa professional working status nila ni Seth Fedelin.

Andrea Brillantes, nagbigay ng kanyang saloobin sa FranSeth tandem-Kiko Escuadro
BY
Kiko Escuadro

Twitter: @Simplengbinata

FRESH SCOOPS

07/20/2022 05:48 PM
Andrea Brillantes, nagbigay ng kanyang saloobin sa FranSeth tandem
Photo credits: @imsethfedelin on Instagram (right)

Matapos ang kinaharap na kontrobersiya sa kanilang tambalan, muling magkasama sa isang proyekto sina Andrea Brillantes at Seth Fedelin na ang upcoming iWantTFC series na Lyric And Beat.

Sa naganap na media conference ng Lyric And Beat, ramdam ang ilangan sa tila naging hidwaan nina Andrea at Seth na muling nagkita matapos ang halos anim na buwan simula nang naglabasan ang mga isyu.


Ramdam man ang ilangan sa isa’t isa, nanatiling propesyunal ang dalawa nang humarap sa entertainment bloggers at sinagot ang tanong kung kumusta na nga ba ang sila.

 
 
 
 
 
 
 
 
 
 
 
 
 
 
 

A post shared by Push (@pushalerts)

“We’ve spent more than two years of working na po and more than two years doon parang halos everyday. Kadenang Ginto po tsaka of course locked in pa po, mas everyday pa po ‘yun. So siyempre wala naman pong bago sa pagkikita namin,” sambit ni Andre sa panayam.

Ayon pa sa Kapamilya star: “Hindi naman kami parang na-kidnap na parang ‘uy hello kamusta ka.’ Alam ko rin naman ang whereabouts niya kasi inevitable ‘yun e, kasi nag IG ako nag TikTok ako, and ‘yung mga fans ng SethDrea of course tina-tag nila ako, and we are in the same industry,” paliwanag nito.

Paliwanag rin Andrea, batid niya ang issue na nakapaligid sa kanilang dalawa ni Seth.

“People talk, people will say something about me, about him na nakakarating sa amin kasi we have mutual friends so, hindi naman na talaga isolated kumbaga sa amin, and sobrang inevitable talaga na hindi naming alam kung ano ang nangyayari sa sa isa’t isa kasi nga nasa iisang indusrtriya kami.”

Dito, nagbigay saloobin rin si Andrea sa naging working relationship nila ni Seth sa Lyric And Beat na isa sa mga huling proyekto na pinagsamahan nila bago ang tila hiwalayan ng dalawa.

“Ano po kasi, I’ve been in the industry since parang eight years old ako, and hindi lang naman ito ‘yung first time ko na may nangyari na tapos makaka work ko. Ang dami na pong experience ko na dati na bully ako sa set, ‘yung mga ganun, pero gagawin ko pa rin, at ipapakita ko pa rin ang dapat na eksena,” ani Andrea.

 
 
 
 
 
 
 
 
 
 
 
 
 
 
 

A post shared by Andrea Brillantes (@blythe)

Paliwanag ng Kapamilya star, “Kasi trabaho ‘to e, and kahit na acting acting lang sa iba, pero hindi, trabaho po ang maging isang artista. Binbayaran kami, umaasa ang mga tao sa amin, pinagkakatiwalaan kami ng mga boss na magawa namin ang trabaho namin ng maayos kaya kami binibigyan kami ganitong mga oportunidad kasi, alam nilang kaya namin.”

Aminado si Andrea na hindi naging madali ito sa kaniya.

 
 
 
 
 
 
 
 
 
 
 
 
 
 
 

A post shared by Andrea Brillantes (@blythe)

“Minsan wala ka rin talagang choice kasi kailangan mong ipakita na gagawin ko ‘to. Kahit na ano pa ang sinasabi ng iba kahit na ito ang mararamdaman ko, artista ako, trabaho ko ‘to, kailangan ko siyang gawin at ‘yung mga fans namin na umaasa sa amin at nag-mamahal sa pa rin po sa amin,” saad pa ng Kapamilya Star.

At sa tila pagkabuwag ng kanilang tambalang SethDrea, nagbigay ng kanyang saloobin rin si Andrea sa bagong tandem ni Seth kasama si Francine Diaz na na naging malapit rin sa dalawa mula sa kanilang pinagsamahan proyekto na Kadenang Ginto.

“Actually, before filming Lyric and Beat parang December pa lang po ata, or end of December nabalitaan ko na po na magkakaroon na talaga ng FranSeth teleserye,” pag-amin ni Andrea.

Dahil aware na sa bali-balitang pagkakaroon ng bagong kapareha ni Seth, hindi na aniya ikinagulat ito ni Andrea.

“Opo of mga first week ng January. So alam ko na rin naman na magkakaroon ng ganun. Hindi na rin po aka nagulat na may ganun na. Tulad nga po ng sinabi ko na inevitable talaga kasi we’re in the same industry na hindi ko malalaman as in darating rin siya ng darating.”

Nasa gitna man ng kanilang proyekto at kasabay ang naging hidwaan kay Seth, mas minabuti aniya ni Andrea na ipagpatuloy ang kaniyang nasimulan na trabaho kasama ang former ka-love team.

“Hindi rin naman ako nag-ask, kasi nalaman ko na rin yun pero of course, gagawin ko pa rin ‘yung Lyric And Beat kasi ano ‘to e, kasi at least makapag ba-bye ng maayos sa SethDrea or ganun.”

Masaya aniya si Andrea para sa dalawa.

“I am happy for them and of course, I am happy for the FranSeth fans kasi they’ve waited for this for very long time and I’m happy na nabigay ‘yung request nila and I wish na sana maging okay and maging successful. As in wala akong any ill feeling sa kanila both and ayun sana maging masaya. And alagaan niyo si Xyriel (Manabat) kasi kasama niyo ang beshywap ko si Xyriel (sa bagong series na Dirty Linen). I am very happy kasi ito ‘yung comeback niya, ito ‘yung parang first FranSeth, tapos comeback ni Xyriel. So I am very excited for their project,” pahayag ni Andrea.

Sa ngayon, inspirado si Andrea sa estado ng kaniyang relasyon sa professional basketball player na si Ricci Rivero na kamakailan lang ay inamin ang kanilang relasyon.

Samantala, all set na rin naman ang project ni Seth kasama si Francine na Dirty Linen.