• Home
  • Fresh Scoops
  • Nanakawan ang kasama ni Awra Briguela habang nasa MOA Arena sila.

Awra Briguela na-trauma sa panonood ng UAAP Women’s Volleyball; modus ng mga cellphone snatchers ibinuking

Nanakawan ang kasama ni Awra Briguela habang nasa MOA Arena sila.

Awra Briguela na-trauma sa panonood ng UAAP Women’s Volleyball; modus ng mga cellphone snatchers ibinuking-Leo Bukas
BY
Leo Bukas

Twitter: @leobukas

FRESH SCOOPS

06/28/2022 07:39 PM
Awra Briguela na-trauma sa panonood ng UAAP Women’s Volleyball; modus ng mga cellphone snatchers ibinuking
Photo credits: @awrabriguela on Instagram

Nagkaroon ng hindi magandang karanasan ang actor at vlogger na si Awra Briguela sa panonood niya ng UAAP Women’s Volleyball sa MOA Arena noong June 21 (Martes). Nawala kasi ang cellphone ng kanyang kasama nang hindi nila namamalayan.

Nanawagan naman agad si Awra gamit ang Twitter para maibalik ang nawawalang cellphone at nagbabakasakaling ma-trace kung sinuman ang nagnakaw nito.

“Sa lahat po ng may video ko sa MOA kanina after game kindly send me the video nanakawan po kase kasama ko ng phone and cash habang madaming nagpapapicture. DOOR 218 po ako nun thank you po,”  panawagan niya.


READ: Awra Briguela may paalala sa mahihilig bumili ng branded bag at shoes

Ayon pa sa dating child star ng FPJ’s Ang Probinsyano hindi lang daw pala sila lang ang nabiktima ng mga kawatan dahil marami rin sa mga kasama niyang nanonood ang volleyball game ang nanakawan.

“End up sobrang dami pong nanakawan same time and same spot. So please po pa send ng video ramdam ko po na videohan talaga yung nagnakaw,” lahad  ni Awra.

Ayon pa kay Awra, na-trauma siya sa kanyang panonood dahil bukod daw sa naglipana ang mga magnanakaw sa venue ay ang babastos din ng ibang audience.

“Grabe talaga kanina yung experience ko sa MOA arena nakaka trauma. ang babastos na malikot pa kamay,” bulalas niya.

Sa pakiramdam rin niya ay ginawa ng mga magnanakaw ang krimen habang 
nagkakagulo ang maraming gustong magpa-picture.

“Ayaw magsipag-trabaho ng maayos, sobrang nakakagalit hindi nakakaawa,” sabi pa niya.

LOOK: Awra Briguela, Mimiyuuuh, Sassa Gurl pose for mag cover

Handa naman si Awra na magbigay ng reward na pera para sa taong magbabalik sa kanya ng ninakaw na cellphone. Meron daw kasing mahahalagang files na naka-save dito. Dagdag pa niya,  dodoblehin pa niya ang kanyang offer to P10K basta isoli lang ang cellphone. Nangako din siya na hindi ie-expose kung sinuman ang magbabalik nito.

“Again sa kumuha ng phone paki balik nalang po kasi hindi nyo rin po talaga yan mapapakinabangan. I will give you cash pa po pag binalik nyo. Yung 5k na nakuha den dodoblehin ko. You can dm me promise hindi ko expose kung sino ka. Sobrang daming important files sa phone,” pakiusap ng komedyante.