• Home
  • Fresh Scoops
  • Masaya si Cesar Montano sa pagkakataong makatrabaho ang anak na si Diego Loyzaga.

Cesar Montano, excited makatrabaho si Diego Loyzaga sa bagong pelikula; Diego, aminadong pressured

Masaya si Cesar Montano sa pagkakataong makatrabaho ang anak na si Diego Loyzaga.

Cesar Montano, excited makatrabaho si Diego Loyzaga sa bagong pelikula; Diego, aminadong pressured  -Leo Bukas
BY
Leo Bukas

Twitter: @leobukas

FRESH SCOOPS

06/26/2022 04:42 PM
Cesar Montano, excited makatrabaho si Diego Loyzaga sa bagong pelikula; Diego, aminadong pressured
Photo credit: @diegoloyzaga Instagram

Magsasama sa isang pelikula ang mag-ama na sina Cesar Montano at Diego Loyzaga.

Humarap sa isang digital media conference ang cast, director at producers ng controversial film na Maid In Malacañang nitong Sabado ng hapon, June 25.


Dito, ipinahayag ni Cesar Montano na excited siya sa kanyang pagbabalik pelikula at pakikipagtrabaho sa anak niyang si Diego Loyzaga.

Si Cesar ang gaganap ng karakter ni dating pangulong Ferdinand Marcos sa pelikula na magpapakita ng huling tatlong araw ng pamilya Marcos sa Malacañang. Si Diego naman ang gaganap na Bongbong Marcos.

Tanong namin kay Cesar, ano ba ang pakiramdam na nagbabalik siyang muli sa paggawa ng pelikula Tugon ng actor: “It is a great blessing. Napakasaya ko. I’m so excited to work with my son. Finally, magkakatrabaho na kaming dalawa,.”

BASAHIN: Diego Loyzaga reconciles with dad Cesar Montano

Isa si Cesar sa mga kilalang actor sa bansa. Nagkaroon din siya ng mga  TV shows sa ABS-CBN at mga pelikula sa Star Cinema.

Ayon sa award-winning actor, hindi niya inakala na gagampanan niya ang katauhan ng dating pangulo ng Pilipinas.  

Aniya: “Nakita ko sa paglaki ko si President Ferdinand Marcos. Nandoon din ako during ng pag-alis nila pero hindi pumasok sa aking panaginip o isipan na ako ang gagawa nito, ng pelikulang ito, ng karakter na ito kaya laking pasasalamat.”

BASAHIN: Cesar Montano, aminadong mas close na ngayon sa kaniyang mga anak: ‘I’ve been praying about this to happen’

Bago ang pandemic ay nakagawa na rin ng isang pelikula si Cesar na nabanggit din niya sa digital mediacon.

“Meron nga akong ginawang pelikula, maipo-promote ko tuloy, The Blood Brothers. Tapos na naming gawin. It’s about the indigenous people. Pero mauuna itong Maid in Malacañang ipalabas,” saad niya.

“I’m so excited na napakaganda po na ito muna ang mauuna, ang Maid in Malacañang bago yung The Blood Brothers,,” pagbabahagi pa ni Cesar.

Para naman kay Diego, excited na natatakot siya sa pagsasama nilang mag-ama sa pelikulang kakasimula pa lang ng syuting pero may playdate na sa huling linggo ng July at ipapalabas sa mga sinehan sa buong bansa.

“This has been a long time coming. I’ve been dying for this moment and I think, everything happens for a reason,” sey ni Diego.

“So siyempre, I’m excited na meron ding konting kaba  to be working with my dad. Tulad ng sinabi niya, excited kaming dalawa. At the same time, hindi rin on a small platform kami first na magsasama,” reaksyon naman ng binata.

LOOK: Cesar Montano bonds with children

“We’ll play the late president and the incoming president. Patung-patong yung pressure. It’s not just I’m working with my dad. It’s the first time I’m portraying not just a regular character. I’m playing the role of a very very important man.

“It’s a very big deal. I feel pressured but it’s exciting. If there’s anything, I have given the opportunity to prove myself this would have been the one," pahayag pa ni Diego.