• Home
  • Fresh Scoops
  • Wilbert Ross: ‘Masaya po ako kasi may trabaho ako, sa industry natin, hindi lahat meron talaga’

Wilbert Ross okay lang kahit tawaging ‘bold star’ ng mga dating kasamahan sa ‘It’s Showtime’

Wilbert Ross: ‘Masaya po ako kasi may trabaho ako, sa industry natin, hindi lahat meron talaga’

Wilbert Ross okay lang kahit tawaging ‘bold star’ ng mga dating kasamahan sa ‘It’s Showtime’-Leo Bukas
BY
Leo Bukas

Twitter: @leobukas

FRESH SCOOPS

06/13/2022 06:11 PM
Wilbert Ross okay lang kahit tawaging ‘bold star’ ng mga dating kasamahan sa ‘It’s Showtime’

Pagkatapos maging leading man ni AJ Raval sa sexy comedy film na Vivamax na Crush Kong Curly, kaagad ini-launch ng Viva ang former Hashtags member na si Wilbert Ross sa isa ring sex comedy movie titled Boy Bastos. Nasundan din agad ito ng controversial digital series na High (School) On Sex na streaming din ngayon sa Vivamax.

Ayon sa binata, maraming nagbago sa kanyang buhay pagkatapos  ang sunud-sunod na projects sa Viva. Hindi rin siya makapaniwala na darating pa ang kanyang second break sa showbiz industry na muntik na sana niyang sukuan noong na-disband ang Hashtags at nawalan ng franchise ang ABS-CBN.

“Dati po, inaasar ako ni Vice Ganda na mukha raw akong Koreano na walang project. Ngayon, may projects na po ako na mukhang Koreano pa rin. Tapos tinatawag na akong bold star ng team ng It’s Showtime,” natatawang kuwento ni Wilbert sa digital mediacon ng High on Sex.


“Tanggap ko naman yon. Masaya po ako kasi may trabaho ako, sa industry natin, hindi lahat meron talaga… Sobrang thankful po ako sa Viva,” dagdag pa niya.

READ: Wilbert Ross has no plans to abandon his singing career: ‘Pinu-push ko pa rin yung music ko’

Sinagot din ni Wilbert ang tanong kung ano ang mga ayaw na niyang balikan noong nagsisimula pa lamang siya sa showbiz. Isa na raw dito yung pakiramdam na palagi siyang nasa ilalim at hindi umaangat ang career kahit pa ano ang kanyang gawin.

Sabi ni Wilbert, “Kung meron akong hindi babalikan before sa career ko, ayoko nang balikan yung parang lagi kong feel na nasa bottom ako ng grupo sa showbiz. I gained naman my confidence ngayon so ayoko nang balikan yon at hindi ako papayag na bumalik sa ganoon.”

Bagama’t hindi confident si Wilbert sa kanyang pangangatawan ay pinipilit niya raw naman itong i-improve sa pamamagitan ng madalas na pagwo-workout sa gym.

“Yung stretch marks sa puwet ko, wala na akong magagawa, so tinanggap ko na lang siya nang buo. Step by step, tinatanggap ko na yung flaws ng katawan ko habang naghuhubad ako.

“Actually, yung Crush Kong Curly, hindi talaga ako kumakain. Takot ako na baka malaki sa screen ang tiyan ko. Tapos dire-diretso na. Nag-workout na ako, na-improve ko na yung sarili ko, yung katawan ko. Itutuloy-tuloy ko na talaga.

“Yung stretch marks kasi, wala na ako talagang magagawa do’n eh, kasi nandyan na yan,” pahayag pa ng High On Sex lead actor.

READ: Director GB Sampedro on shooting sexy scenes of AJ Raval and Wilbert Ross: ‘Hindi mahahaluan ng malisya’

Sa pakiramdam ba nya ay sexy siya kahit hindi matatawag na hunk-actor?

Sagot niya, “Tinitingnan ko po yung sarili ko sa salamin pero hindi ko naman pinagnanasaan. Sinasabi ko lang na yummy din ako kahit papaano lalo na ngayon na nagdyi-gym po ako so, yes, it’s me.”

Aminado si Wilbert na mas mapangahas ang kanyang sexy scenes sa High On Sex kumpara sa kanyang previous movies.

“Yung isang araw po na talagang sequence after sequence kami. Per sequence, ang hahaba ng lines namin. Ang dami naming ginawang scenes.

"Open kasi yung gym so natatakot ako na baka may dumaan, makita yung puwet ko. Nahiya po ako. Naiyak talaga po ako sa kakatanggal ng plaster sobrang sakit po talaga at naubos na po yung…” kuwento ni Wilbert na very obvious naman na pubic hair ang kanyang tinutukoy.

Ang High On Sex na idinirek ni GB Sampedro ay pinagbibidahan din nina Angela Morena, Denise Esteban, Kat Dovey, Marco Gomez, Katya Santos, Mig Almendras, at marami pang iba.