• Home
  • Fresh Scoops
  • Nilinaw ni Ogie Diaz ang ilang haka-haka tungkol kina Liza Soberano at Enrique Gil.

Ogie Diaz nag-react sa balitang ikakasal na sina Liza Soberano at Enrique Gil

Nilinaw ni Ogie Diaz ang ilang haka-haka tungkol kina Liza Soberano at Enrique Gil.

Ogie Diaz nag-react sa balitang ikakasal na sina Liza Soberano at Enrique Gil-Leo Bukas
BY
Leo Bukas

Twitter: @leobukas

FRESH SCOOPS

06/11/2022 02:46 PM
Ogie Diaz nag-react sa balitang ikakasal na sina Liza Soberano at Enrique Gil
Photo credit: @ogie_diaz and @lizasoberano Instagram

“Teka-teka sandali, nakakaloka kayo. Yung kasal-kasal, actually, noon pa nila napag-uusapan yan na dadating din ang time na sila ay magse-settle down. Pero hindi pa ngayon!”

Ito ang diretsong sagot ng vlogger at dating talent manager ni Liza Soberano na si Ogie Diaz sa tanong sa kanya ni Mama Loi sa kanilang latest Showbiz Update vlog kung totoong ikakasal na si Liza sa matagal na nitong boyfriend na si Enrique Gil.

In-upload nila sa YouTube ang naturang vlog nitong June 10, 2022 kung saan kasama rin dito nina Ogie at Mama Loi sina Tita Jegs, Ate Mrena, at Dyosa Pockoh .


“Kasi marami pang pangarap si Liza at si Quen. Although, si Quen baka maagang magre-retire sa showbiz hindi natin alam kung ilang taon na lamang kasi mas gusto ni Quen na mag concentrate sa negosyo. Pero hindi rin natin alam baka magbago ang isip kasi sayang din naman ang opportunities na dumarating sa kanila at ang daming offers sa LizQuen.

“Si Liza naman ay alam ko na talagang gusto niyang ma-fulfill ang kanyang Hollywood dream at ma-achieve ito. Although hindi ganun kadali ang pagpasok sa Hollywood pero ita-try pa rin ni Liza kaya nga she keeps on sending mga auditions/VTRS sa mga agency dito (Los Angeles),” dagdag na pahayag pa ni Ogie.

READ: James Reid to become Liza Soberano’s talent manager as actress aims to pursue a career in the US

Kasalukuyang nasa Amerika si Liza kasama ang kanyang bagong talent manager na si James Reid pata subukan ang ilang go-see at auditions doon para sa kanyang Hollywood dream na marami na ring local Pinoy artists ang sumubok pero hindi rin nginitian ng tagumpay at pagkakataon. Pero maalay natin, swertehin si Liza.

Anyway, nilinaw din ni Ogie ang lumabas na balitang nag-break na sina Liza at Enrique na kumalat nung panahong magkahiwalay ng bansang pinuntahan ang dalawa. During that time kasi ay kasama naman ni Enrique ang pamilya niya sa Spain at si Liza ay kasama naman si James.

WATCH: Liza Soberano’s first speaking engagement in the US

“Kasama ni James Reid sa Gala night sa Hollywood si Liza tapos si Enrique naman ay nasa Spain. So, feeling nila bakit hindi raw magkasama ang LizQuen at ngayon lang naghiwalay sa out of the country trip.

“Siyempre tayo rin ang tinanong ng fans tapos nag-tweet pa tayo ng ako rin nagtataka kaya yung iba ipinapalagay na sina Enrique Gil at si Liza ang tinutukoy ko, hindi po politiko po ang tinutukoy ko ro’n.

“Ngayon po kung tungkol sa LizQuen ay hindi po sila hiwalay.  Hiwalay lang sila ng bansa na pinuntahan,” paglilinaw pa ni Ogie.

“Tawa nang tawa si Liza nang makarating ito sa kanya kasi tinanong siya ng Tita Joni niya kung sila pa ba ni Quen. ‘Oo naman!’ Sabi raw ni Liza. Ano ba yan, si Quen pa nga ang susundo sa kanya sa airport sa pagbabalik dito from Hollywood, LA,’” hirit pa ng vlogger/talent managr.