• Home
  • Fresh Scoops
  • Sa suporta ng pamilya at ng kaniyang partner na si Ronnie Alonte humugot ng lakas ng loob muli si Loisa Andalio.

Loisa Andalio, muntik nang talikuran ang showbiz?

Sa suporta ng pamilya at ng kaniyang partner na si Ronnie Alonte humugot ng lakas ng loob muli si Loisa Andalio.

Loisa Andalio, muntik nang talikuran ang showbiz?-Kiko Escuadro
BY
Kiko Escuadro

Twitter: @Simplengbinata

FRESH SCOOPS

05/27/2022 05:53 PM
Loisa Andalio, muntik nang talikuran ang showbiz?
Photo credits: @iamandalioloisa on Instagram

Big blessings para sa Kapamilya star na si Loisa Andalio ang nalalapit na pagsisimula ng kaniyang bagong proyekto, ang Love In 40 Days kung saan gaganap siya bilang si Jane na isang kaluluwa.

Kasama ang kaniyang real life partner na si Ronnie Alonte na gagampanan naman ang papel ni Edward.

“After two years, sobrang nakaka kaba, pressure kasi finally ipapalabas na po ang ‘Love In 40 Days na talaga namang mixed emotion ang nararamdaman ko. Masaya, excited, and sobrang kinakabahan po,” masayang bungad ni Loisa sa entertainment press.

Dahil first time mag lead sa kanilang teleserye, beyond thankful ang pakiramdam ni Loisa na halos dalawang taon rin natigil sa trabaho dahil na rin sa pandemya.

“Actually noong pandemic, pa-suko na ako, ayoko nang mag-artista ‘yung ganun,” reveal ni Loisa sa press.

Paliwanag niya, isa rin si Loisa sa muntik nang sukuan ang kaniyang karera bilang isang artista.

“Kasi, parang nawala na ako ng hope, na parang feeling ko wala nang nagmamahal sa akin, ‘yung ganun noong pandemic, ganun. Pero sobrang happy ko na noong binigay sa amin ‘tong Love in 40 days. Doon ko na feel na mahal ko pala talaga ‘tong ginagawa ko dahil na rin sa tulong ng mga seasoned actors na kasama namin and directors. Sobrang thankful ko rin kasi hindi nila ako pinabayaan,” sambit pa ng Kapamilya star.

Isa rin sa masasabi ni Loisa na dagdag sa kaniyang muntik nang pagtalikod sa show business ay ang naging pagsasara ng ABS-CBN kung saan isa siyang contract artist.

Dito, inamin rin ng Kapamilya star na malaking dagok sa kaniya bilang isang breadwinner ang pandemya kung saan naapektuhan ng matindi ang kaniyang karera.

“Hirap e, kasi pandemic. Nagsara ‘yung ABS-CBN, wala kang source of income para sa family mo financially. May ping-aaaral ako college and high school ganyan. Hindi ko kayang ipakita sa kanila na wala nang work, wala ng ganyan, so talagang parang ako ‘yung tatay at nanay ng pamilya and hindi ko kailangan ipakita sa kanila na parang nahihirapan ako, parang wala na. Sila din ‘yung nagbigay sa akin ng lakas ng loob parang wala na. Kasi, kung iisipin ko lang na andito ako para sa sarili ko, nag-artista ako para sa sarili ko, walang mangyayari. Pero ito, ginagawa ko para sa family ko, para sa mga fans na naniniwala talaga rin sa akin,” ani Loisa.

Sa gitna rin ng pandemya, napilitan rin ang Kapamilya star na isara na ang kaniyang munting salon na LoiSalon na pinagkakabalahan ng kaniyang ina.

“Wala na ‘yung LoiSalon ko kasi noong pandemic, isa pa ‘yun. Sobrang stressed talagang ‘yung mga business namin nag close, kaya mahirap. Talagang challenging ang pandemic para sa akin ‘yun ‘yung umabot sa point na alam mo ‘yung namayat ako ‘yung sobrang payat ko. Lately ko lang na-realize na depression pala ‘yun kaya pala pumayat ako ng ganun kaya thank you sa lahat ng sumusuporta sa akin, ayan sila talaga ang lakas ko.”

At sa kaniyang role na gagampanan bilang si Jane na produkto ng isang broken family, relate na relate aniya si Loisa sa emosyon na hinihingi ng kaniyang karakter.

“May times nag misan na ‘yung character kasi namin ni Jane parehas e’ talagang affected sa family, sa parents sa tatay. Ako kasi as Loisa ayoko nang balikan ‘yun e, ‘yung pain, kasi nakaka-trauma pero noong ginawa ko ‘yung ‘Love In 40 Days. ‘Yung lahat ng pain na kinalimutan ko, kailangan kong balikan. Sobra akong nahirapan and sobrang challenging siya pero sa tulong ng mga kasama namin, naging masaya po lahat.”

Dumaan man ang pagsubok, maraming ipinagpapasalamat si Loisa lalo na ang lakas at kumpiyansa na hinugugot niya sa kaniyang pamilya at partner na si Ronnie.

“Actually same situation kami as in mahirap, mahirap po talaga pero suwerte ako, suwerte si Ronnie, andito kami sa isa’t isa para mag-guide magpalakas ng loob. Kasi sabi ko nag kung wala si Ronnie, baka talagang hindi ko kakayanin,” pahayag ni Loisa.

Ngayong May 30, mapapanood na sa iWant TFC, TV5 at iba pang platform ng ABS-CBN si Loisa as Jane at Ronnie as Edward sa Love In 40 Days.