• Home
  • Fresh Scoops
  • Hindi pabor si Lolit Solis sa balak na pagpasok ng showbiz ng partner ni Angeline Quinto na si Nonrev Daquina.

Lolit Solis, may patutsada sa partner ni Angeline Quinto sa planong pasukin ang showbiz: ‘Feeling pogi at yummy’

Hindi pabor si Lolit Solis sa balak na pagpasok ng showbiz ng partner ni Angeline Quinto na si Nonrev Daquina.

Lolit Solis, may patutsada sa partner ni Angeline Quinto sa planong pasukin ang showbiz: ‘Feeling pogi at yummy’-Pao Apostol
BY
Pao Apostol

FRESH SCOOPS

05/24/2022 05:33 PM
Lolit Solis, may patutsada sa partner ni Angeline Quinto sa planong pasukin ang showbiz: ‘Feeling pogi at yummy’
Photo credits: @loveangelinequinto on Instagram

Ito ay matapos malaman nang beteranang kolumnista ang intensyon ni Nonrev na maging isang artista.  

Sa isang Instagram post na ibinahagi ni Manay Lolit nitong Lunes, ika-23 ng Mayo, sinabi nito na, “Parang tumayo balahibo ko Salve ng mabasa ko na gusto daw ni Angeline Quinto na mag artista iyon non showbiz father ng kanyang naging anak.”

Ani Lolit na binigyang-diin ang pagkakaroon ng tatlong anak ni Nonrev sa dalawa pang magkaibang babae, tila ganoon lang kadali lang kay Nonrev ang pasukin ang showbiz pagkatapos magkaroon ng anak lang naman umano ito kay Angeline. 

“Sa nabasa ko na mga nasulat, may 3 ng anak sa 2 pang ibang babae iyon BF ni Angeline. Naanakan niya si Angeline Quinto, at ngayon may pangarap siyang pumasok ng showbiz. Bongga di ba!” ani Manay Lolit.

“Parang ganuon kadali lang puwede na siyang maging celebrity? Parang nagka anak ka sa 3 babae, puwede ka ng matinee idol?” dagdagg pa niya. 

READ: Angeline Quinto, inaming ‘pineperahan’ niya ang non-showbiz partner: ‘Ako ‘yung namemera sa kanya’

Tinawag pa nitong “feeling pogi at yummy” ang partner ni Angeline na aniya’y tila hindi na alam ang realidad. Pinaalalahanan din ni Lolit si Nonrev na alamin munang mabuti ang industriya gusto niyang pasukin. 

“Feeling pogi at yummy dahil may mga babae na nagpa anak sa kanya? Iyan ilusyon dapat may realidad din. Check mo muna sa salamin o ikaw mismo sa sarili mo kung babagay ka ba sa mundo na papasukin mo,” ani Lolit. 

Dagdag pa ni Lolit, hindi sapat ang pagkakaroon ng anak kay Angeline para pasukin ang showbiz. 

“Porke pinatulan ka at nagpa anak ang isang Angeline Quinto, pang showbiz ka na? Puwede ka ng artista?” ani Lolit. 

Maging si Angeline ay pinaalalahanan din ni Lolit na pag-isipang mabuti ang balak ng partner.

“Naku, dapat siguro magkaruon ng reality check pati si Angeline para naman iyon ulap sa mga mata nila mawala. Nagka anak na sa 2 magka ibang babae, pumayag kang anakan ka, tapos ngayon bibigyan mo ng ilusyon maging showbiz,” saad ni Lolit. 

READ: Angeline Quinto admits to living together with non-showbiz partner

“Naku, sana na lang ang isipin mo ang magiging kinabukasan ng iyong anak Angeline, huwag mo ng pasukin ang trabaho ng pagiging talent scout. Baka maghanap lang ng iba pang babae na aanakan iyan BF mo sa showbiz kaya gusto pumasok, stop, look, listen ka muna. Ayaw ni Gorgy at Salve, kalokah!” dagdag pa niya.