• Home
  • Fresh Scoops
  • Sinagot din ni Zanjoe Marudo ang tanong kung may ilangan sa pagitan nila ni Bela Padilla.

Bela Padilla, wala bang ilangan factor kay Zanjoe Marudo ngayong magkasama sila sa kanyang directorial debut movie?

Sinagot din ni Zanjoe Marudo ang tanong kung may ilangan sa pagitan nila ni Bela Padilla.

Bela Padilla, wala bang ilangan factor kay Zanjoe Marudo ngayong magkasama sila sa kanyang directorial debut movie?-Leo Bukas
BY
Leo Bukas

Twitter: @leobukas

FRESH SCOOPS

04/03/2022 12:48 AM
Bela Padilla, wala bang ilangan factor kay Zanjoe Marudo ngayong magkasama sila sa kanyang directorial debut movie?
Photo Credit: @bela on IG

Na-link noon si Bela Padilla sa co-actor niyang si Zanjoe Marudo habang ginagawa nila ang ABS-CBN TV series na My Dear Heart. Wala mang diretsang kumpirmasyon kung totoong naging magkarelasyon ang dalawa noon, masayang makita na muli silang magkatrabaho ngayon sa pelikulang 366 na directorial debut ng aktres. 

Wala bang ilangan factor ngayong magkasama sila sa isang movie project na si Bela rin ang sumulat ng script, one of the producers, at bidang babae? 

“The last time we do… with Zanjoe was 2017. Kung meron mang link or anything, it was in 2017 pa. So by the time we shot this film in 2021, I think we both already… 


“I don’t want to speak for Zanjoe, pero I already got past that stage of my life. I was completely different person already in 2021 from 2017. So, okay na okay na po ako and also at the same time, I made sure na kinakausap ko na si Z (tawag sa aktor) bago kami dumating sa set. I already reached out and texted him to check base if were both okay with [it]. I remember personally sending the script. Asking him if meron ba siyang ideas o gustong i-suggest o palitan? 

“I wanted this project to be collaborative also not just for Zanjoe but also for JC (Santos) and also to make them feel that they can trust me on set ‘cause I don’t want to have negative emotions pag sa set namin,” mahaba at tuluy-tuloy na paliwanag ni Bela sa virtual mediacon ng 366 na ginanap nitong Biyernes (April 1, 2022) ng tanghali. 

Read: Bela Padilla reveals Liza Soberano was her first choice to star in her directorial debut ‘366’

Ayon naman kay Zanjoe, hindi naging isyu kung anuman ang kanilang nakaraan ni Bela para hindi tanggapin ang 366 na reunion project nila pagkatapos ng apat na taon. Ayon pa sa atktor, nagustuhan niya ang script ng pelikula sinulat ni Bela kaya nag-yes kaagad siya sa project. 

“First time naming nag-work sa isang pelikula, at hindi ko palalampasin yun kapag nabigyan ako ng ganitong klaseng opportunity para lang hindi tanggapin dahil may isyu ka, na wala naman akong na-feel nung in-offer sa akin yung project,” pahayag ng Kapamlya actor. 

Patuloy niya, “Excited agad ako na makipag-usap kay Bela about sa story and character. Ang una ko ngang reaksiyon, 'Puwedeng ako na lang yung character ni JC?' Pero hindi raw puwede.” 

Bilang first time director ay humanga agad si Zanjoe kay Bela. Alam daw nito ang gusto niyang gawin at malinaw ang vision nito bilang  director ng pelikula. 

“Nakaka-amaze siyang panoorin. Sinabayan pa na siya yung direktor so nakakabilib talaga. Kapag makikita mo yung set namin, walang sumisigaw. Napakakalmado. Tahimik ang lahat,” papuri ni Zanjoe sa kanyang direktor at co-actor. 

“Ang sarap nung parang belong ka sa group na puro artists na ang tatalino, creative. Nakakatuwa na naging part ako nitong first film ni Bela. Magaan siyang katrabaho, alam niya kung ano ang gusto niya, alam niya kung ano yung kailangan niya. Nakakatuwa na may paninindigan siya sa paggawa ng pelikula,” dagdag niyang pahayag. 

Read:Bela Padilla, nag-react sa pagkumpara sa kanya kay Coco Martin bilang actor-director

Nagpahayag naman ng interes si Zanjoe sa plano niyang pagdidirek din balang araw kaya lang waia raw siyang tapang at lakas ng loob na meron si Bela. 

“Siguro ang kailangan kong makuha kay Bela, yung tapang na magsimula. Minsan parang nandoon yung gusto mo na, pero takot ka pa kasi takot kang magsimula. Nakita ko kay Bela yon. 

“Yun ang wala sa kanya, yung takot. Yung takot na baka mag-fail or hindi magustuhan. Pero sa ngayon, gusto kong mag-focus, gumawa ng mga project na hindi ko pa nagagawa as an actor,” diin pa ng aktor. 

Istorya tungkol sa moving on ang kwento ng pelikulang 366 na mapapanood sa Vivamax sa April 13, 2022 at sa Vivamax Plus sa April 15. Na-inspire si Bela na  isulat ang kwento ng 366 nang bumiyahe siya sa Maldives at nalaman niya ang kuwento ng isang Pinoy couple na sinubok ng pagkakataon habang nasa kanilang dream travel destination. 

Sa palagay ba niya paano madaling makapag-move on sa isang failed relationship? 

“Parang nakakahiya namang magbigay ng advice kasi we all deal with issues differently. Minsan may isyu na masyadong mabigat hindi tayo tinatamaan at doon pa tayo sa maliit nasasaktan or minsan napipikon. Dapat ang i-advise natin yung mga taong nangpupuna. 

“Dapat hindi tayo nangsisita ng maliliit na bagay na tulad ng masyadong mapayat, masyadong mataba, kung kelan magkaka-anak, kelan magkaka-boyfriend, kelan magkaka-girlfriend,” reaksyon niya. “Hindi dapat natin pinakikialaman ang mga ganu’n bagay. Hindi dapat natin ‘yun concern,” reaksyon ng newbie director.