• Home
  • Fresh Scoops
  • Ayon kay Aga Muhlach, noon pa man ay inihanda na nila ni Charlene Gonzalez ang mga sarili sa pagbubukod ng mga anak.

Aga Muhlach, hindi naging mahirap ang adjustment sa pag-aral ng mga anak sa ibang bansa

Ayon kay Aga Muhlach, noon pa man ay inihanda na nila ni Charlene Gonzalez ang mga sarili sa pagbubukod ng mga anak.

Aga Muhlach, hindi naging mahirap ang adjustment sa pag-aral ng mga anak sa ibang bansa-Leo Bukas
BY
Leo Bukas

Twitter: @leobukas

FRESH SCOOPS

03/08/2022 10:02 AM
Aga Muhlach, hindi naging mahirap ang adjustment sa pag-aral ng mga anak sa ibang bansa

Nag-aaral sa ibang bansa ang kambal na anak nina Aga Muhlach at Charlene Gonzalez. Nasa London si Atasha samantalang nasa Spain naman si Andres. Ayon kay Aga, hindi naging mahirap ang naging adjustment sa kanila ni Charlene nang umalis ng Pilipinas ang kanilang mga anak para sa ibang bansa tapusin ang kanilang kolehiyo.

“Unang-una, honestly, it wasn’t so hard for…  hindi naging mahirap masyado para sa amin ni Charlene na umalis yung mga anak namin para sa kolehiyo,” ani Aga nang makausap namin siya sa digital mediacon ng kanyang Bida Kayo Kay Aga project.

Patuloy ng aktor, “Mula kasi nung nag-asawa kami ni Charlene pinag-uusapan na namin yan, na at the end of the day tayong dalawa ang magkasama talaga. Ang mga anak natin ay nilikha natin, nilikha ng panginoon pero ibig kong sabihin ang anak natin paglaki niyan mag-asawa, iiwan din tayo, magkakapamilya. Ang importante, sabi ko tayong dalawa magkasama talaga.


“So nasanay kami nang ganun, and also at the same time napakaganda din ng nangyayari ngayon because of the internet at hindi na mahirap kasi puwede kayong mag-usap araw-araw. Puwede kayong magkita kasi there is Facetime, may mga apps para magakita-kita ngayon at magkausap ang pamilyang magkakalayo sa isa’t isa. Nandyan lahat yan.”

Aga Muhlach and Charlene Gonzalez’s daughter Atasha leaves for college in UK

Malaking bagay din daw na nung kasagsagan ng COVID-19 pandemic sa Pilipinas ay nasa ibang bansa ang kanilang dalawang anak.

“Nung kalagitnaan ng pandemya sa Europa at sa Amerika medyo bukas sila ng konti, so mas nakakaikot ang mga anak ko don kaya masaya kami kesa nakakulong sila dito mas mabuting nandon sila nakakagala sila.

“Pangalawa, masaya rin kami more than malungkot dahil alam namin yung anak namin nagiging independent dahil sila lang ang nando’n. Natututo silang kumilos mag-isa, magluto mag-isa, mag-ayos ng kuwarto nila, ng gamit nila, mag-budget ng pera nila, lahat.

“So habang nangyayari yan alam namin na mahirap para sa kanila sa umpisa pero alam namin na sa ikabubuti rin nila yon. At dahil sa alam namin na yon maganda ang pakiramdam ng puso naming mag-asawa. Nagiging responsible ang mga anak namin,” pagmamalaki pa ni Aga tungkol sa mga anak.

Aga Muhlach and Charlene Gonzalez’s son Andres returns to Spain for college

Ayon pa kay Aga, may blessing na mula sa kanya if ever na gusto ring pasukin ng kanyang kambal ang showbiz.

“Yeah. Papayagan ko siyempre. Yon nga lang, I just want them to finish college because kaya gusto ko silang patapusin kasi gusto ko silang magdesisyon,” lahad ng award-winning actor.

“Sila ang magdesisyon kung gusto nilang pumasok sa industriya ng entertainment. I want to come from them, hindi manggagaling sa akin, hindi manggagaling sa publiko. Parang ngayon nga napupusuan na talaga nila, ng anak kong babae.

“Nagugustuhan niya talaga and sabi ko, ‘You just have a year and a half to go in college at pagkabalik mo then it’s really up to you. I can introduce you to some people I know who can manage you and then go ahead it’s your call.’ Hindi ako makikialam talaga sa kanila, eh. And even with my son Andre, gaanun din naman,” dagdag pa niya.

Arjo Atayde, overwhelmed to recreate Aga Muhlach’s 1996 movie role in new international series

Ibinahagi rin ni Aga kung ano ang lagi niyang bilin at madalas pinapangaral kina Atasha at Andres pagdating sa paggamit ng social media.

“It’s always being slow to react. Laging sinasabi ko sa kanila na be slow to react and always treat people with kindness and respect – always, no matter what.

“Be slow to react, meaning anger, alisin natin yung galit at inis. Minsan because social media people now are reactionary and I don’t think it’s nice, it’s not healthy. So I would tell my kids growing up… that’s why my kids are so quiet and behave.

“And sabi ko nga to always be kind not trusting. Huwag tayo basta-bastang nagtitiwala pero it doesn’t mean na kung hindi na tayo magtitiwala ay masama na ang pakitungo natin. Ibig sabihin, puwede kang maging mabait parati pero huwag mong ibibigay lahat ng tiwala mo. Yon lang ang palagi kong sinasabi talaga sa kanila,” pahayag ni Aga.