• Home
  • Fresh Scoops
  • Ang panganay ni Dimples Romana ay lilipad na ngayong araw papuntang Australia.

Dimples Romana, naging emosyonal sa paglipad ng anak papuntang Australia upang mag-aral

Ang panganay ni Dimples Romana ay lilipad na ngayong araw papuntang Australia.

Dimples Romana, naging emosyonal sa paglipad ng anak papuntang Australia upang mag-aral-Pao Apostol
BY
Pao Apostol

FRESH SCOOPS

03/28/2022 09:08 AM
Dimples Romana, naging emosyonal sa paglipad ng anak papuntang Australia upang mag-aral
Photo credit to @dimplesromana Instagram

Hindi napigilan ni Dimples Romana ang maging emosyonal sa paglipad ng kanyang anak na si Callie Ahmee papuntang Australia upang mag-aral ng kolehiyo.

Sa isang Instagram post na ibinahagi ni Dimples isang araw bago ang pag-alis ng kanyang anak, sinabi ng Kapamilya star na tinuruan siya nito hindi lang kung paano ang magmahal kundi pati ang kung paano maging isang magulang.

READ: Dimples Romana's daughter Callie turns 18


“Today I gain a deeper understanding of LOVE and PARENTING,” ani Dimples sa caption ng kanyang post.

Pagpaptuloy ni Dimples, ang pagsilang at pagpapalaki sa mga anak ang nagtuturo sa mga ina na kagaya niya kung paano magmahal pati na kung paano maramdaman ito.

“We give birth to our children, raise them to know love and feel it,” aniya. 

Kalakip umano ng pagpapalaki sa mga anak ang turuan ang mga ito na magkaroon ng mabuting koneksyon sa pamilya. At ngayon na umano ang oras upang lumipad sila gamit ang kanilang mga sariling pakpak – bagay na natutunan ni Dimples ng may halong saya at lungkot.

“We make sure their roots to home are deep and steady. And when the TIME IS RIGHT, and for us that’s NOW, we give them wings to fly. A bittersweet kind of learning for me as a mom,” saad ni Dimples.

READ: Dimples Romana gives 18-year-old daughter her own place

Umaasa naman si Dimples na matutupad ng kanyang anak ang pangarap nito.

“Today ate @callieahmee we celebrate the wings you have just put on. We sing, we love, we cry, we conquer. Love you Christiana Amanda Lauren Romana Ahmee! Pag balik mo may Kapitan na sa unahan ng pangalan na yan,” ani Dimples.

Si Callie ang panganay na anak ni Dimples sa asawa nito na si Boyet Ahmee. May isa pa siyang anak, si Alonzo. Pinagbubuntis din niya ang pangatlo nilang anak.