• Home
  • Fresh Scoops
  • Nag-propose si Jeron Teng na dating player ng De La Salle University sa kanyang longtime girlfriend.

TINGNAN: Jeron Teng, nag-propose sa kanyang girlfriend sa isang basketball court

Nag-propose si Jeron Teng na dating player ng De La Salle University sa kanyang longtime girlfriend.

TINGNAN: Jeron Teng, nag-propose sa kanyang girlfriend sa isang basketball court-Pao Apostol
BY
Pao Apostol

FRESH SCOOPS

03/23/2022 08:34 AM
TINGNAN: Jeron Teng, nag-propose sa kanyang girlfriend sa isang basketball court
Photo credit: @mymetrophoto Instagram

Naging usap-usapan sa social media ang proposal ng basketball star na si Jeron Teng sa kanyang girlfriend.

Naganap ang proposal ni Jeron sa ngayo’y kanyang fiancée na na si Jeanine Beatrice Tsoi sa FilOil Flying V Centre sa lungsod ng San Juan.

Nagmistula namang isang mahiwagang lugar ang basketball court sa naging pagbabagong-anyo nito.


Ibinahagi ng My Metro Photo sa kanilang Instagram account ang litrato mula sa naganap na engagement nitong Lunes, ika-21 ng Marso.

Makikitang suot-suot ni Jeron ang kanyang jersey noong naglalaro pa siya para sa University Athletic Association of the Philippines (UAAP) habang nag-aaral sa De La Salle University. Si Jeanine ay nagsilbi bilang courtside reporter ng nasabing pamantasan noon.

Tingnan ang mga litrato sa ibaba:

 
 
 
 
 
 
 
 
 
 
 
 
 
 
 

A post shared by Metrophoto (@mymetrophoto)

 
 
 
 
 
 
 
 
 
 
 
 
 
 
 

A post shared by Metrophoto (@mymetrophoto)

Ipinagdiwang ng dalawa ang kanilang ikalimang anibersaryo bilang magkasintahan Setyembre noong nakaraang taon.

Samantala, kasalukuyan namang naglalaro para sa Alaska Aces team ng Philippine Basketball Association (PBA) si Jeron.