• Home
  • Fresh Scoops
  • “Walang scandal, walang third party. It’s very pure,” ani Mary Anne Lim, ina ng aktor na si Xian Lim, sa tambalang KimXi.

Ina ni Xian Lim, proud na hindi nasasangkot sa iskandalo ang tambalang KimXi

“Walang scandal, walang third party. It’s very pure,” ani Mary Anne Lim, ina ng aktor na si Xian Lim, sa tambalang KimXi.

Ina ni Xian Lim, proud na hindi nasasangkot sa iskandalo ang tambalang KimXi-Leah Bueno
BY
Leah Bueno

Twitter: @Push_Alerts

FRESH SCOOPS

10/03/2022 01:09 PM
Ina ni Xian Lim, proud na hindi nasasangkot sa iskandalo ang tambalang KimXi
Screenshot from Kim Chiu PH YouTube Channel

Sa pambihirang pagkakataon ay nakapanayam ni Kim Chiu ang ina ng kanyang nobyong si Xian Lim na si Mary Anne Lim. 

Sa bagong vlog na inilabas ni Kim, pinag-usapan nila ni Mary Anne ang ilang mga bagay tungkol kay Xian, kabilang na ang pangarap niya para sa anak noong bata pa lamang ito. 


“Ang dream ko sa kanya noong bata pa siya, gusto ko sa kanya maging concert pianist. Pero gusto ko rin kahit ano, basta happy siya,” ani Mary Anne. 

“Si Mom naman sobrang supportive niya when it comes to career. Hindi naman siya rin parang, ‘Ito ‘yung kailangan mong gawin,’” dagdag ni Xian.

Pagpapatuloy niya: “Even nung sinabi ko sa kanya gusto kong maging basketball player, agad na binenta ni Mommy ‘yung bahay namin, ‘yung kotse sa US and punta kaagad kami rito in a matter of three months. Kasi sinabi ko kay Mom gusto ko maging basketball player. Hindi nga niya tinanong kung ‘Magaling ka ba anak?’ Walang ganun.”

“Kasi ganun eh. You have to follow your child’s heart,” giit ni Mary Anne. 

READ: Xian Lim’s nursery school graduation photo

Nagkwento rin ang ina ni Xian tungkol sa kanilang buhay sa Amerika at kung paano sila na-discriminate noong kararating lamang nila sa nasabing bansa.

Kwento niya: “Nabanggit mo ‘yung life in the US. There was a time I cried, not so much with the tears pero ‘yung emotion. Pinatawag ako ng teacher niya. He was in middle school. Kakarating lang namin sa US. Sabi niya, ‘Your son is not speaking in class.’ Sabi ko, ‘What do you mean?’ ‘He just sits there.’ Sabi ko, ‘That’s understandable, he just arrived. I took him from his friends. I took him away from home, from his cousins. Maybe he’s just sad. Give him time.’

“Sabi niya, ‘I think because he doesn’t speak English. I have to put him in a class that doesn’t speak English so he can be taught English.’ Sabi ko, ‘No, he speaks English.’ Gusto kong sabihin sa kanya, ‘Excuse me? I think he has perfect grammar than you do.’,” dagdag niya.

“Sabi ko, ‘Did you try talking to him?’ ‘No. … But I have already made my decision.’ ‘Oh, you already made your decision. I think I’m just being discriminated upon. I’m an Asian, I just arrived here. From the moment I talked, you never gave me a chance to explain myself. So you just judged my son. So this is a racist thing.’ Nung nabanggit ko ‘yung racist, bumait siya,” pagpapatuloy niya.

READ: Xian Lim reveals bullies made his life ‘hell’

Bukod dito ay masaya ring binalikan ni Xian noong sinopresa siya ng kanyang ina ng bagong saxophone at drums. 

Kwento niya: “Sa States sobrang mahal ng musical instruments. Thousands, thousands of dollars. Sobrang laking bagay para sa akin that time kasi single mom si Mommy and ang rent ng apartment naming was 1,500 for a one-bedroom. So she had to make ends meet as a single mom to work to be able to pay for the 1,500 – and a musical instrument is about 2,000 to 3,000, and even 4000 dollars. So maabilidad si Mom.”

Kwento ni Mary Anne, nag-drive siya ng walong oras papuntang Las Vegas para lang mabili ang sorpresang ito para kay Xian.

“Ang swerte mo kay Tita,” saad ni Kim. 

READ: Xian Lim treats his mom and his grandma to a trip abroad

Samantala, bukod kay Xian ay natanong din si Mary Anne ng ilang mga bagay tungkol sa tambalan nina Xian at Kim, na mas kilala bilang “KimXi.”

Isa na rito ay kung ano ang pinaka-paborito niyang proyekto ng “KimXi.”

“Pinakagusto ko ‘yung ‘Bride for Rent.’ Gusto ko rin ‘yung ‘Bakit Hindi Ka Crush ng Crush Mo?’ Ayaw ko ‘yung ‘Past Tense,’” pag-amin ni Mary Anne.

Natanong din siya tungkol sa kanyang favorite memory kasama si Kim.

“Marami na. Lalo na kapag nag-iinvite kami kay Kim. Kahit na simple lang ang food, gustong gusto ni Kim. Hindi naman ako marunong magluto,” biro ng ina ni Xian.

READ: Kim Chiu attends birthday celebration of Xian Lim’s mom

Sa tanong kung ano ang maipapayo niya para sa anak at kay Kim, ibinahagi ni Mary Anne kung gaano siya ka-proud sa magkasintahan dahil kahit kailan ay hindi ito nasangkot sa anumang iskandalo. 

“Syempre ‘yung forever kayo. That explains everything. Forever,” ani Mary Anne. 

“I’m happy nagkakasundo kayo. Wala kayong scandal, wala kayong third party. It’s very pure. I’m very proud. I can say perfect love team. Ganun ang KimXi. It transcends all generations,” dagdag pa niya.