• Home
  • Fresh Scoops
  • Ibinahagi ni Polo Ravales ang kanyang buhay ngayon bilang isang ama.

Polo Ravales ayaw ng sundan ang one-year-old son: ‘Hindi naman madali ang buhay ngayon’

Ibinahagi ni Polo Ravales ang kanyang buhay ngayon bilang isang ama.

Polo Ravales ayaw ng sundan ang one-year-old son: ‘Hindi naman madali ang buhay ngayon’-Leo Bukas
BY
Leo Bukas

Twitter: @leobukas

FRESH SCOOPS

10/10/2022 05:46 PM
Polo Ravales ayaw ng sundan ang one-year-old son: ‘Hindi naman madali ang buhay ngayon’
Photo credits: @poloravales on Instagram

May one year-old son na ang aktor na si Polo Ravales sa fiancée niyang si Paulyn Quiza na isang fitness trainer. Yatrick ang name ng kanilang anak na katatapos lang mag-birthday last September.

 
 
 
 
 
 
 
 
 
 
 
 
 
 
 

A post shared by Paulyn Quiza (@pauquiza)

Walang trabaho sa TV at pelikula si Polo kaya ini-enjoy daw niya nang husto ang pagiging first time dad.


“Ang tagal ko na ring walang show. I really don’t know why pero siguro baka pinapaenjoy muna sa akin ni Lord ang pagiging father kasi baka mamaya dumating ang time na magka-project ako hindi ko na siya maalagaan,” pahayag ng aktor sa exclusive interview ng PUSH.

Ano nga ba ang mga na-realize niya sa buhay ngayong tatay na siya?

“Naku madami!” tugon agad niya. “Like talagang pagka magkaka-baby ka, siguro you’ll change for the better. Mas meron kang direksyon,” aniya.

“Meron ka kasing iniisip hindi tulad dati pag single ka, ikaw lang talaga ‘yun, wala kang… Kahit anong gawin mo okay lang,” ani pa niya.

READ: Polo Ravales is now a father

“Ngayon, mas magiging maingat ka sa mga gagawin mo sa buhay. Mas magiging mature ka and I think malaki rin yungg pinag-mature ko, yung pinagbago ko,” dagdag pa ng 40-year-old actor. 

Ano ba ang mga halimbawa ng mga naging pagbabago sa buhay niya nung dumating si Yatrick?

“Unang-una diyan of course ‘yung financial. Dati kasi I spend a lot talaga – shopping dito, shopping do’n. Gimik-gimik, travel. Ngayon siyempre kailangan iniisip mo ‘yung gagawin mo, you have to be mature financially,” kuwento ni Polo.

“Mentally, physically, kailangan malakas ka din kasi siyempre lalo na pag yung baby mo makulit. Ang hirap naman na hahabul-habulin mo pero mahina ka that’s why I take care of myself,” dagdag pa niya.

 
 
 
 
 
 
 
 
 
 
 
 
 
 
 

A post shared by Polo Ravales (@poloravales)

Patuloy pa niya: “Kasi ‘yung baby ko very active siya, eh. Lalo na malakas siya dahil ‘yung partner ko is a trainer. So, siguro, nakuha niya ‘yung genes. Kaya iba ‘yung katawan ng baby ko. That’s why kaya na niyang maglakad sa mall.”

“Kaya na niyang maglakad ng 10 minutes sa mall, straight yon ha. Grabe yung anak ko, parang genetically malakas siya,” aniya.

Ikakasal sana si Polo at ang kanyang fiancée noong 2020 pero hindi ito natuloy dahil sa COVID-19 pandemic. Paano naman kaya binago ng pagkakaroon ng pamilya ang buhay niya ngayon?

READ: Polo Ravales tinutulungan ang Japanese rapper na si Tomoro para sumikat sa Pinoy fans

“Malaki din kasi siyempre… lalo na ngayon when you get older hindi ka na puwedeng maglaro sa buhay. Dati kasi, alam mo naman yan, mapaglaro ako, eh. Ha-ha-ha,” aniya.

“Siyempre, pag bata ka dumadaan ka sa stage na ganun, di  ba? When you get older you get to mature, ngayon talagang focus ako,” pagbabahagi niya.

Ayon pa sa aktor, tama na sa kanya ang isang anak. Hindi na rin daw naman maghahanap ng kalaro si Yatrick dahil may 12-year-old na ring anak sa unang partner nito ang kanyang fiancée.

“Mahirap ang buhay, eh. Gusto ko kasi ibigay sa kanya lahat ng puwede kong mabigay kasi pag marami kang anak madi-divide, eh, di ba? Pero kung ibibigay ni Lord na madagdagan pa okay din naman sa akin. Pero kung ako, para sa akin, okay na sa akin ang isa,” aniya.

“Kawawa rin kasi ‘yung iba na maraming anak. Ayokong matulad don sa iba na parang limited lang ‘yung mabibigay mo sa anak n’yo kasi ang dami nila lalo na pagdating sa education nila,” dagdag pa niya.

 
 
 
 
 
 
 
 
 
 
 
 
 
 
 

A post shared by Paulyn Quiza (@pauquiza)

“Hindi naman madali ang buhay ngayon tulad ng dati na sobrang dali. ‘Di ba ‘yung mga may pera nga ngayon hindi na rin ganun ka-fabulous ang lifestyle lalo na nagka-pandemic pa. Maiisip mo talaga na kailangan mong  planuhin ang lahat  lalo na pagdating sa anak mo,” katwiran ni Polo sa PUSH.