• Home
  • Fresh Scoops
  • Nagtapos na ang shooting ng ‘Apag’, ang Kapampangan film na pinagbibidahan ni Coco Martin sa direksyon ni Brillante Mendoza.

Coco Martin film, tapos na ang shooting

Nagtapos na ang shooting ng ‘Apag’, ang Kapampangan film na pinagbibidahan ni Coco Martin sa direksyon ni Brillante Mendoza.

BY
Leah Bueno

Twitter: @Push_Alerts

FRESH SCOOPS

01/04/2022 05:16 PM
Coco Martin film, tapos na ang shooting
Photo credit to Brillante Mendoza Facebook

Nagtapos na ang shooting ng Apag, ang Kapampangan film na pinagbibidahan ni Coco Martin sa direksyon ni Brillante Mendoza.

Sa kanyang social media accounts, nagbahagi ang aktres na si Gladys Reyes ng ilang retrato at video kuha mula sa last shooting day ng nasabing pelikula.

Base sa ulat ng ABS-CBN News, sa kanyang post sa Facebook ay nagpaabot ng kanyang pasasalamat si Gladys sa kanyang mga Apag co-stars, kabilang na sina Coco, Jaclyn Jose, Lito Lapid, Julio Diaz, Mercedes Cabral, Gina Pareño, at Ronwaldo Martin na nakababatang kapatid ni Coco.

"Last shooting day.... Ang bilis ng panahon, parang kelan lang kami nag-start mag-shoot, eto tapos na kami. 'Di ko namalayan ang araw dahil ang sarap katrabaho ng mga kasama ko," ani Gladys.

"From my ate Jane Jaclyn Jose, dami ko tawa sa bonding chikahan namin, to Coco, na super maalaga sa 'min at dedicated sa work, kakatuwa! Tito Sen. Lito Lapid, walang tigil ang pagdating ng masasarap na food from him, overflowing delicious kapampangan food. Mercedes Cabral (my newfound sister) wish to work with her ng mas mahabang panahon to kuya Julio, tita Gina Pareño at iba pa namin mga nakasama," aniya.

Nagpasalamat din siya kay Direk Brillante, at sinabing kakaibang challenge umano para sa kanya ang makatrabaho ang nasabing direktor.

"Daming bago sa naging karanasan ko sa kanya, kakaibang challenge. Bawal ang slow, kumbaga," aniya.

Ang Apag ay nagsisilbing reunion project nina Coco at Brillante, na unang nagkatrabaho sa indie film na Masahista noong 2005.

BASAHIN: Coco Martin, bibida sa Kapampangan film na 'Apag'

Nagsama rin ang dalawa sa pelikulang Summer Heat, Foster Child, Serbis, at Kinatay. Huli silang nagkatrabaho sa French-Filipino film na Captive na inilabas noong 2012.

Tungkol umano sa mga sikat na ulam at tradisyon ng Pampanga ang Apag. Bukod sa pelikula, mayroon ding binubuong proyekto ngayon sina Brillante at Coco kasama ang napapabalitang nobya ng aktor na si Julia Montes.

BASAHIN: Coco Martin and Julia Montes on set of new film

Sa ngayon ay hindi pa inaanunsyo kung kailan ipapalabas sa sinehan ang Apag.