• Home
  • Fresh Scoops
  • Narito ang espesyal na mensahe ng aktres at host na si Jolina Magdangal para sa kanyang mister na si Mark Escueta.

Jolina Magdangal, may matamis na mensahe para sa kaarawan ng mister

Narito ang espesyal na mensahe ng aktres at host na si Jolina Magdangal para sa kanyang mister na si Mark Escueta.

 Jolina Magdangal, may matamis na mensahe para sa kaarawan ng mister-Leah Bueno
BY
Leah Bueno

Twitter: @Push_Alerts

FRESH SCOOPS

01/10/2022 01:43 PM
 Jolina Magdangal, may matamis na mensahe para sa kaarawan ng mister
Photo credits to @mariajolina_ig on Instagram

Ibinahagi ni Jolina Magdangal ang kanyang espesyal na mensahe para sa kaarawan ng kanyang mister na si Mark Escueta.

Nagdiwang ng kanyang ika-45 na kaarawan si Mark, na miyembro ng bandang Rivermaya, noong Linggo, Enero 9.

Sa Instagram, isang sweet na retrato ang in-upload ni Jolina kasama ang kanyang asawa.


"Happy happy birthday asawa kong walang bakas sa ngiti niya na nabibigatan siya sa’kin kahit pa… Kapit na kapit ang daliri sa paa dahil lumulubog na sa sand - swipe! Hahahahahaha!" aniya.

Seryoso namang pinasalamatan ng aktres ang kanyang kabiyak para sa pagiging mabuti nitong asawa at ama.

"Ganyan din siya sa buhay… kahit ano pang challenges ang hinarap o kinakaharap at pwedeng harapin namin, patuloy siyang malakas at puno ng kasiyahan sa puso lalo na para sa akin, kay Pele at Vika," ani Jolina.

"We love you so much Mahal, everyday nai-inspire mo kami sa mga bagay na ginagawa mo maliit at malaking bagay. Habangbuhay kaming magpapasalamat kay Papa Jesus at ikaw ang haligi ng ating tahanan at haligi ng puso namin."

Samantala, sa kanyang post sa Instagram ay nagpasalamat din si Mark para sa kanyang pamilya.

"Happy birthday to me. Thank you Lord for my happy family," aniya.

 
 
 
 
 
 
 
 
 
 
 
 
 
 
 

A post shared by Mark Escueta (@markescueta)

Mahigit sampung taon nang kasal sina Jolina at Mark. Una silang ikinasal sa simbahan noong Nobyembre 19, 2011. Muli silang nagpakasal sa isang garden wedding noong Nobyembre 21.

Sa kanilang ika-10 anibersaryo bilang mag-asawa ay isang matamis na mensahe rin ang ibinahagi ni Jolina para sa kanyang mister.

Sa ngayon ay may dalawang anak na sina Jolina at Mark—si Pele Iñigo, 7, at si Vika Anaya, 3.

Napapanood si Jolina bilang isa sa mga host ng ABS-CBN morning talk show na Magandang Buhay.