• Home
  • Fresh Scoops
  • Masaya naman si Eric Fructuoso na nahanap ng kanyang anak ang ‘right girl’ para sa kanya.

Eric Fructuoso, ibinahagi kung paano sinabi ng panganay na anak na magiging lolo na siya

Masaya naman si Eric Fructuoso na nahanap ng kanyang anak ang ‘right girl’ para sa kanya.

BY
Push Team

Twitter: @Push_Alerts

FRESH SCOOPS

09/05/2021 09:52 AM
Eric Fructuoso, ibinahagi kung paano sinabi ng panganay na anak na magiging lolo na siya
Screenshot from Ogie Diaz YouTube Channel

Ibinahagi ng aktor na dating “Gwapings” member na si Eric Fructuoso kung paano ikinuwento sa kanya ng kanyang anak na magiging lolo na siya.

 
 
 
 
 
 
 
 
 
 
 
 
 
 
 

A post shared by @eric.fructuoso

Sa panayam ni Eric sa entertainment reporter na si Ogie Diaz, ibinahagi ni Eric kung paano sinabi sa kanya ng kanyang anak na magkakaroon na sila ng girlfriend niya ng anak. 


“Ayoko pa maging lolo. Siyempre parang kailangan lang, samasayaw-sayaw pa [ako]. Kailangan lang bata ka tapos at my age, 44, magiging lolo. Hindi ko alam paano ‘yung responsibilidad bilang [lolo],” ani Eric. 

Biro pa nito: “At tsaka ‘di ba ang yummy yummy ko pa.”

Nang sabihin na ng anak niya ang balita, ang tanging sagot ni Eric ay: “Talaga? Magiging lolo na ako?”

BASAHIN: Eric Fructuoso, magiging lolo na

“Ako naman, hindi ko na inisip about me being a lolo. Inisip ko, my son, magkakaroon ng pamilya na with the right girl,” ani Eric.

Dagdag pa nito: “Na-meet ko ang girlfriend niya. Napakabait ng girlfriend niya.” 

“So, sabi ko, ’23 ka na. About time para maging barkada mo. Para maging barkada ko rin,’” ani Eric. 

Bagama’t inamin ni Eric na minsang nang naging pasaway ang kanyang anak, sinabi naman nito na maging siya ay dumaan sa ganoong yugto ng kanyang buhay. 

 
 
 
 
 
 
 
 
 
 
 
 
 
 
 

A post shared by @eric.fructuoso

Ani Eric, iniba niya ang “approach” niya sa kanyang panganay na anak at hinayaan nitong gawin ang mga desisyon na gusto nito sa buhay sa isang kondisyon: huwag lang umano ito gumawa ng bagay na ikasasama ng loob niya at ng lola nito. 

“Umayos siya, nakakilala siya ng maayos na partner. Ngayon, he’s on the right track. So, du’n proud ako du’n sa ginawa ng anak ko,” ani Eric. 

 
 
 
 
 
 
 
 
 
 
 
 
 
 
 

A post shared by @eric.fructuoso

Ngunit inamin ni Eric na nakaramdam siya ng takot nang una niyang pinayagan ang kanyang anak na gawin nito ang kanyang mga gusto sa buhay.  

“Medyo nakakatakot lang dahil hindi mo alam kung ano ang ginagawa ‘di ba? So mahirap on my part,” ani Eric. 

Panoorin ang video sa ibaba: 

Nitong nakaraang buwan lamang ibinahagi ni Eric Fructuoso ang balitang magiging lolo na siya.