Neil Arce, dumepensa kay Angel Locsin matapos sabihang ‘no brain cells’ ng isang kawani ng gobyerno

Dumepensa si Neil Arce sa asawa nitong si Angel Locsin.

BY
Push Team

Twitter: @Push_Alerts

FRESH SCOOPS

09/15/2021 01:08 PM
Neil Arce, dumepensa kay Angel Locsin matapos sabihang ‘no brain cells’ ng isang kawani ng gobyerno
Photo Credit: @therealangellocsin Instagram

Hindi nakapagtimpi si Neil Arce matapos na sabihang “no brain cells” ang misis nito na si Angel Locsin. 

 

 

Ito ay kasunod ng mensahe ng 36-anyos na aktres para sa mga taong  patuloy na lumalaban kahit walang pamilya o kaibigan na malapitan. 

“To those who can’t go & console family & friends fighting their battles alone. I feel you. I wish for you to overcome whatever it is you are going through,” saad ni Angel sa kanyang post. 

WATCH: Angel Locsin, nagkuwento tungkol sa house plans nila Neil Arce | PUSH Daily

Dito, sinabi din ng Kapamilya star na maaaring magpatuloy ang buhay ng mga tao kahit na walang mga pulitiko, negosyante, pulis o maging mga aktor gaya niya ngunit hindi umano pwedeng walang healthcare workers.

“This crisis has made me realize that the world can work without politicians, businessmen, police, and even without actors like me but the world can never work without health workers,” ani Angel. 

 

 

Sa nasabing post, pinasalamatan niya ang mga healthcare workers para sa ginagawa nila sa bansa. 

“Again, thank you for all that you do. Sending everyone strength, hope, and love,” ani Angel. 

 

 

Kasunod ng kanyang naging post, bumanat ang Philippine Information Office Undersecretary at Director General na si Ramon “Mon” Cualoping III sa aktres at sinabing wala itong “brain cells.” 

Banat ni Cualoping: “Angel Locsin has no brain cells. Or a wrong appreciation of things. How can we all continue to live life if there’ll be no police force, actors, business folks, and yes, even politicians?” 

Kaya naman agad na dumepensa si Neil sa pang-iinsulto ng politiko sa kanyang asawa. 

"Hey Mon I don’t know you but people have been sending me this post. Mukhang sobrang tapang mo sa Facebook sir,” komento ni Neil sa comments section ng Facebook post ni Mon.  

Dagdag pa nito: “I respect your political stand your opinions but insulting my wife personally is a bit off.” 

Hinamon naman ni Neil si Mon at sinabing magharap umano sila ng lalake sa lalake.

“You can message me here on Facebook kung matapang ka talaga kita tayo no weapons no bodyguards lalake sa lalake lang kung di ka lalaki baka may kuya ka or kapatid na bata. Pwede na din proxy. Hope to see you soon,” ani Neil.