JaMill, balik YouTube makalipas lamang ang ilang linggo

May bagong YouTube channel na ang JaMill.

BY
Push Team

Twitter: @Push_Alerts

FRESH SCOOPS

09/15/2021 09:08 PM
JaMill, balik YouTube makalipas lamang ang ilang linggo
Screenshot from JAMILL YouTube Channel

Muling nagbabalik ang magkasintahan na Jayzam Manabat at Camille Trinidad sa YouTube matapos ang desisyon nilang burahin ang channel makalipas lamang ang ilang linggo.  

 

 

Sa isang vlog, ipinaliwanag nina Jayzam at Camille, o mas kilala bilang JaMill, kung bakit nila binura ang kanilang YouTube channel.  

Paliwanag ni Jayzam, ang desisyon nila na burahin ang kanilang YouTube channel ay resulta ng counseling session na kinailangan puntahan ni Camille para umano sa isang brand.  

JaMill, burado na ang YouTube channel

“Meron kasing isang brand na gustong kumuha sa kanya, isang long-term project siya. Isa sa mga requirements, ‘yung parang counseling. Tatanungin ka ng isang professional kung kaya ba ng mental health ang project na ito,” ani Jayzam.  

“So, sina Camille, nag-iinterview sila. Ako, nasa gilid, nag-cocomputer. Naririnig ko ‘yung mga tanong. Counseling ba ’to? Parang chismisan na ‘to ah. Kung anu-ano kasi tinatanong,” dagdag pa ni Jayzam.  

 

 

Ilan daw sa mga tanong ay kung totoo pa ba ang kanilang relasyon o dala na lamang ito ng kanilang pagsasama sa YouTube.  

Dahil dito, nag-away umano sila hanggang sa nagdesisyon na si Camille na burahin na lamang ang kanilang channel.   

Panoorin ang vlog sa ibaba:  

Ipinaliwanag naman ni Camille kung bakit sila nagdesisyun na muling bumalik sa YouTube.  

“Nakakalungkot na nag-chachat sila nang ganu’n na, ‘Bumalik na kayo.’ Ang dami,” saad ni Camille.  

JaMill, naibenta na ang kanilang sasakyan; naghahanap ng bibili ng kanilang bahay

Samantala, sinabi naman nina Jayzam at Camille na naayos na nila ang kanilang relasyon.  

Mayroon na ngayong mahigit 200,000 subscribers ang bagong channel ng JaMill.