• Home
  • Fresh Scoops
  • Julia Barretto: ‘I will only walk away when the person I’m in a relationship with wants to walk away.’

Julia Barretto ibinahagi kung kailan dapat tapusin ang isang relasyon

Julia Barretto: ‘I will only walk away when the person I’m in a relationship with wants to walk away.’

BY
Leo Bukas

Twitter: @leobukas

FRESH SCOOPS

09/12/2021 04:00 PM
Julia Barretto ibinahagi kung kailan dapat tapusin ang isang relasyon
Photo Credit: @juliabarretto Instagram

Ayon kay Julia Barretto, iisang bagay lang ang magiging matinding dahilan para sukuan niya ang isang relasyon. Ito ay kapag nagdesisyon daw ang kanyang karelasyon na hiwalayan na siya. Pero hindi naman niya binanggit na ito ang dahilan kung bakit naghiwalay sila noon ng ex-boyfriend na si Joshua Garcia.

“Siguro I will only walk away from a relationship kapag ayaw na ng isa. I’ll only walk away when he walks away, in general ha,” katwiran ni Julia nang makausap siya ng PUSH sa virtual mediacon ng Di Na Muli ng Viva Television na ipapalabas sa TV5.

Pagkatapos makarelasyon ng aktres si Joshua ay naging boyfriend naman nito ang Kapamilya actor na si Gerald Anderson na una niyang nakasama sa pelikula ni Direk Jason Paul Laxamana na Between Maybes noong 2019.


READ: Julia Barretto joins Gerald Anderson in PH Coast Guard Auxiliary

“But kidding aside, mahirap sagutin yung tanong na ganyan lalo na kapag wala ka sa sitwasyon na ganu’n. Nasa kutob yan eh. Nasa pakiramdam yan.

“Pero I will only walk away when the person I’m in a relationship with wants to walk away.  Because there’s respect, we respect that they don’t want it anymore. So hindi na, huwag pilitin,” dagdag na paliwanag ni Julia.

Dapat din daw na hindi pinipilit ang isang tao kapag ayaw na niya sa ‘yo.

“Don’t force somebody to be in a relationship with you if they don’t want to be with you anymore. And I think that’s the time you walk away as well,” diin pa ng dalaga.

LOOK: Julia Barretto wows with new swimsuit photos

Pero  sa isang banda ay naniniwala rin naman daw siya na dapat ay ipinaglalaban ang pag-ibig lalo na kapag mahal mo ang isang tao.

“Kapag mahal mo, hindi mo susukuan. Kahit mahirap, kakapit ka pa rin,” ang medyo contradicting niyang reaksyon.

Ibinahagi rin ni Julia na kahit kailan ay hindi siya nagsisi o nagkaroon ng regrets sa mga naging desisyon niya in the past.

Lahad ni Julia, “Ako, I don’t believe in regrets and I don’t believe in regretting anything especially if it brought you to where you are in life right now. And I’m pretty grateful for where I am right now, and happy and content.

“Siguro, yung akin na lang is kung meron akong di na muli na babalikan na moment or pangyayari sa buhay ko, siguro di ko na babalikan yung moment na kinailangan kong magpaalam sa lolo ko. Masakit yun, eh. Masakit yung kailangan mong magpaalam at mawalan ng mahal mo sa buhay,” pagbabalik-tanaw ni Julia sa pagpanaw ng lolo niyang si Miguel Barretto (ama ng mommy niyang si Marjorie) noong 2019.