• Home
  • Fresh Scoops
  • Nagsimula na ang paghahanda ng real-life couple na sina Kathryn Bernardo at Daniel Padilla para sa kanilang inaabangang teleserye.

KathNiel, nagsimula na ang paghahanda para sa teleserye

Nagsimula na ang paghahanda ng real-life couple na sina Kathryn Bernardo at Daniel Padilla para sa kanilang inaabangang teleserye.

BY
Leah Bueno

Twitter: @Push_Alerts

FRESH SCOOPS

09/01/2021 01:46 PM
KathNiel, nagsimula na ang paghahanda para sa teleserye
Photo credit: @bernardokath Instagram (left)/ @hairbykenjie Instagram (right)

Nagsimula na ang paghahanda ng real-life couple na sina Kathryn Bernardo at Daniel Padilla para sa kanilang inaabangang teleserye.

Base ito sa Instagram post ng direktor na si Mae Cruz Alviar noong Lunes, Agosto 30, kung saan makikita ang isang package na may label na "KathNiel Look Test."

Taong 2015 nang unang nakatrabaho nina Kathryn at Daniel si Direk Mae, sa pelikulang Crazy Beautiful You. Matapos nito ay nagsama sama ulit ang tatlo para sa pelikulang Can't Help Falling in Love na ipinalabas noong 2017.


Samantala, bukod kay Direk Mae, nag-post din sa Instagram Stories ang hair stylist na si Kenjie ng behind-the-scenes photos mula sa nasabing look test.

 

 

Base sa naunang post ni Kathryn, ang RSB Drama Unit na pinangungunahan ni Ruel S. Bayani ang magpo-produce ng bagong teleserye nila ni Daniel.

 

 

Matatandaang una nang sinabi ni Daniel sa panayam sa kanya ni Boy Abunda na tuloy ang teleserye nila ni Kathryn. Bukod dito ay may gagawin din umano silang pelikula ng aktres.

"Serye muna kami. May meeting kami very soon for a movie," aniya.

BASAHIN: Kathryn Bernardo shares throwback photo with ‘crush’ Daniel Padilla

Huling napanood ang real-life couple sa digital movie series na The House Arrest of Us, na nagtapos noong Enero.

2018 naman nang huli silang napanood sa big screen sa blockbuster movie na The Hows of Us.

Sa ngayon ay wala pang ibang detalyeng inilalabas tungkol sa bagong TV project ng dalawa.