• Home
  • Fresh Scoops
  • Ibinebenta ngayon ng JaMill ang kanilang naipundar na bahay.

JaMill, naibenta na ang kanilang sasakyan; naghahanap ng bibili ng kanilang bahay

Ibinebenta ngayon ng JaMill ang kanilang naipundar na bahay.

BY
Push Team

Twitter: @Push_Alerts

FRESH SCOOPS

08/30/2021 03:27 PM
JaMill, naibenta na ang kanilang sasakyan; naghahanap ng bibili ng kanilang bahay
Photo Credit: @jamillph Instagram

Ilang araw lamang matapos maging laman ng usap-usapan ang pagbubura ng JaMill ng kanilang YouTube channel, marami naman ang na-intriga matapos na makita ang mga litrato ng bahay na ibinebenta sa isang social media platform. 

 

 

Sa Facebook, isang netizen naman ang pinakiusapan nina Jayzam Manabat at Camille Trinidad, na mas kilala bilang JaMill, na magbenta ng kanilang bahay kaya nagbahagi ito ng mga larawan.  

Nauna nang ibinenta ng dalawa ang kanilang mamahaling Jeep Wrangler na sasakyan. 

READ: JaMill, burado na ang YouTube channel

“For sale! Two-storey house with swimming pool, kasama lahat ng gamit sa bahay,” ani ng nasabing netizen. 

Dagdag pa nito: “Looking for direct buyer. Hindi po ako ahente or broker. I was instructed by the owner themselves to transact on their behalf.”

Nilinaw naman ng nautusan na magbenta ng bahay na hindi ito sasagot sa mga tanong kaugnay sa may-ari ng bahay. 

 

 

Kamakailan lang ay inanunsyo ng Bureau of Internal Revenue (BIR) na hahabulin nila ang isang couple vlogger na kumikita ng 50 hanggang 100 milyong piso. 

Bagama’t hindi pinanglanan, marami ang naniniwala na JaMill ang tinutukoy ng BIR lalo pa’t sinabi nila ito ilang araw lamang matapos i-anunsyo ng dalawa na binura na nila ang kanilang YouTube channel. 

READ: BIR, hahabulin ang couple vlogger na kumita umano ng 50 hanggang 100 milyong piso

Una nang ipinaliwanag ng JaMill na gagawin nilang prayoridad ngayon ang kanilang relasyon kaya nila napagdesisyunang burahin ang kanilang YouTube channel. 

 

 

“Sobrang saya nang na-experience namin sa YouTube pero this time mas priority na namin ang relasyon namin dalawa. Gusto namin habang buhay talaga kaming nag mamahalan mga kaibigan,” ani ng JaMill.