• Home
  • Fresh Scoops
  • Kilala din si Michelle Ayalde bilang mang-aawit ng Tagalog version ng ‘Ni Yao De Ai’ ng hit Taiwanese series na ‘Meteor Garden.’

‘Wansapanataym’ singer Michelle Ayalde, humihingi ng tulong pinansyal para sa kanyang operasyon

Kilala din si Michelle Ayalde bilang mang-aawit ng Tagalog version ng ‘Ni Yao De Ai’ ng hit Taiwanese series na ‘Meteor Garden.’

BY
Push Team

Twitter: @Push_Alerts

FRESH SCOOPS

07/22/2021 11:31 AM
‘Wansapanataym’ singer Michelle Ayalde, humihingi ng tulong pinansyal para sa kanyang operasyon
Photo credit: Mic Mic Facebook Page

Nanawagan ng tulong pinansyal ang mang-aawit na si Michelle Ayalde upang matugunan ang kanyang gastusin para sa kanyang nalalapit na operasyon sa lapay o pancreas. 

Sa isang Facebook post, sinabi ng singer na kilala bilang boses ng theme song ng Kapamilya fantasy anthology na Wansapanataym na kailangan niyang makalikom ng tatlong daang libong piso para sa kanyang operasyon. 

Needed [P300,000] more or less for my surgery. […] My pancreas [is] still inflamed, that’s why we cannot do the operation yet,” paliwanag ni Michelle sa kanyang post. 


Bagama’t hindi na ito nakikita sa kanyang post, ibinahagi naman ito ng kaibigan at kapwa singer niya na si Brenan Espartinez. 

Gaya ni Michelle, sumikat din si Brenan noong ‘90s at napabilang sa programang Sine’swkela kung saan ginamapanan niya si Agatom. 

Asking for prayers and help for a friend. Kindly share this on your timeline so we may get as much help as we can,” saad ni Brenan. 

Kinailangan umano ni Michelle na lumapit pa sa iba pang mga doktor dahil hindi na niya kinaya ang sakit. 

LOOK: Michelle Ayalde and Bea Alonzo reunited

Was referred to additional doctors. Neurosurgeon due to my AVMal, cardiologist, and anesthesiologist for severe pain na hindi ako makatulog kahapon,” saad niya. 

Maliban sa tulong pinansyal, humingi din si Michelle ng dasal sa kanyang mga tagasuporta. 

If it’s not too much to ask, I badly need your prayers and financial assistance,” sambit pa niya. 

Sa isa namang Facebook post, ibinahagi ni Michelle na umabot sa 68,000 piso ang nalagas sa kanya sa loob lamang ng isang araw. 

“Ang hirap. Uhaw na uhaw ka hindi ka makainom Ang sakit ng tyan ko kahit may pain killers tapos ung gastos pa ubos agad 68k wala pa isang araw Lord tulong naman sakit sakit na,” aniya.

Samantala, nakilala din si Michelle bilang boses ng Tagalog version ng “Ni Yao De Ai” mula sa hit Taiwanese series na Meteor Garden.

Dahil dito, nakilala pa siya sa iba pang bansa sa Southeast Asia gaya ng Malaysia. 

Magka-batch sa Star Magic sina Michelle Ayalde at dating Kapamilya star na si Bea Alonzo. 

READ: Michelle Ayalde launches international album in PH

Taong 2016 naman nang i-release ni Michelle ang kanyang unang album sa labas ng Pilipinas.