• Home
  • Fresh Scoops
  • May sariling tulugan si Angeline Quinto sa loob ng kanyang van.

PANOORIN: Angeline Quinto, ipinasilip ang loob ng kanyang van

May sariling tulugan si Angeline Quinto sa loob ng kanyang van.

BY
PUSH TEAM

FRESH SCOOPS

07/14/2021 10:51 AM
PANOORIN: Angeline Quinto, ipinasilip ang loob ng kanyang van
Screenshot from Love Angeline Quinto YouTube Channel

Binigyan ng pagkakataon ni Angeline Quinto ang kanyang mga tagahanga na masilip ang kanyang van na itinuturing niya na ring pangalawa niyang tahanan.  

 

 

Sa isang vlog na nilabas ng singer, ipinakita niya sa kanyang mga tagahanga ang kanyang van na aniya’y matagal na nilang gusto makita. 

“Alam niyo po, napakarami talaga ng tao ang nagtatanong sa akin na nagrerequest sila para sa van tour. At ngayong araw na ‘to, dahil mag-a-out-of-town kami, bago po ‘yan, gusto ko po kayong i-tour sa aking van,” saad ni Angeline sa kanyang vlog. 

READ: Angeline Quinto, bata pa lang ay pangarap na magkaroon ng bahay na may aircon

Aniya, simple lang umano ang kanyang van kung ihahalintulad sa mga sasakyan ng kapwa niya artista. 

“Itong van na ‘to. Sobrang simple lang siya hindi katulad ng mga van ng ibang mga celebrities na talagang sobrang ganda ng loob at sobrang gamit na mamahalin. ‘Yung akin simple lang pero gusto kong i-share sa inyo kung ano ang mga lagi kong dala, kung ano ‘yung nasa loob ng van na ‘to,” ani Angeline. 

Isa umano sa pinaka espesyal na pwesto sa kanyang van ang lugar kung saan makikita ang mga litrato ng kanyang Mama Bob. 

“Siyempre dahil favorite color ko ang green, mapapansin po ninyo, ‘yung mga frame na may picture with Mama Bob nandiyaan. Tapos ito din. Talagang dinisplay ko ‘yung mga pictures with Mama Bob para maramdaman ko na kahit saan ako magpunta, kasama ko ang Mama. Kaya ayan, isa ‘yan sa mga espesyal na nandito sa loob ng van,” ani Angeline. 

READ: Angeline Quinto gives a tour of her Mama Bob’s dream house

Mayroon namang sariling tulugan si Angeline sa loob ng kanyang van upang makapagpahinga siya tuwing may break sa trabaho. 

“Itong upuan na ‘to, kaya siya para talagang pahaba, kasi pwede po itong maihila dito. Tapos magiging para siyang kama,” ani Angeline. 

Samantala, may sarili ding workstation si Angeline na madalas niya umanong ginagamit sa pag-eensayo sa mga kinakanta niya sa mga shows. 

“Dito ako madalas nag-rereview ng mga kanta kapag on the way ako sa ASAP or meron akong kailangan puntahan na show or mga raket. Tapos nilagyan ko siya ng maliit na table tapos nandito ‘yung laptop ko kasi siyempre ‘yung mga songs ko. Minsan nag-aaral ako diyan,” ani Angeline. 

 

 

Dito din umano nakikipag-virtual meeting si Angeline para sa kanyang trabaho. 

“Kapag ho on the way sa pupuntahan kong trabaho kailangan ko po mag-Zoom meeting. ‘Di ba ho isa ‘yan sa lagi nating ginagawa ngayon. Dito na lang ho ako umuupo. Dito ho talaga ‘yung pinaka area ko sa trabaho ko, sa mga songs na kailangan kong aralin or halimbawa may ka-video call na kailangan kong kausapin na tao para sa work. Dito ‘yun. Dito ko siya lagi ginagawa,” sambit ni Angeline. 

Panoorin ang video sa ibaba: 

Samantala, plano naman ni Angeline na ipaayos ang kanyang van.