• Home
  • Fresh Scoops
  • Narito ang ilang detalye ng Ara Mina-Dave Almarinez wedding.

Ara Mina at Dave Almarinez, parehong naging emosyonal sa kanilang kasal

Narito ang ilang detalye ng Ara Mina-Dave Almarinez wedding.

BY
Leo Bukas

Twitter: @leobukas

FRESH SCOOPS

07/01/2021 12:38 PM
Ara Mina at Dave Almarinez, parehong naging emosyonal sa kanilang kasal
Photo Credit: @niceprintphoto Instagram

Sa simula palang wedding ceremony nina Ara Mina at Dave Almarinez ay bumaha ng luha sa chapel ng Alphaland Baguio Mountain Lodges Chapel, Baguio City na pinagdausan ng kasal ng dalawa nitong Miyerkules, June 30, 3 p.m.

Lumalakad pa lang sa aisle ang entourage ay halatang emosyonal na ang groom. Hindi na nito napigilang mapaluha sa tuwa nang makitang naglakad papuntang altar ang anak ni Ara na si Amanda Gabrielle Meneses na nasilbing little bride.

Nung time na niyakap na ng bata ang kanyang stepfather na si Dave ay hindi na rin napigilan ng mga bisita ang maiyak.


 

 

Sa exchanging of vows ng newlyweds ay natatawa namang ibinuking ni Ara na hindi niya talaga crush noon si Dave at hindi rin naman daw siya crush ng mister.

Pero sa mga sumunod na sinabi ng aktres ay hindi na nito napigilang maging emosyonal at mapaiyak nang sabihing maraming pinagdaanan ang kanilang relasyon. Muli ay hindi na naman napigilan ng pamilya at mga kaibigan nina Dave at Ara na mapaiyak.

“These past years and even until now  some people are trying to break us part or harm us. Di madali ang manahimik lalo na’t nakikita mong nasasaktan ang mahal mo kahit gusto mong ipagsigawan sa buong mundo kung ano ang totoo.

“Minsan may mga bagay na kailangan mong ipaubaya na lang sa Diyos kahit hindi ko akalaing makakayanan ko ang lahat ng ito. Pero nagawa ko dahil sa pagmamahal ko sa ‘yo,” lumuluhang pahayag ng bride ni Dave.

LOOK: Ara Mina marries fiancé in Baguio

Ayon pa kay Ara, mas pinili na lang niya ang manahimik noon para ma-save ang kanilang relasyon dahil “worth fighting for” si Dave.

“Wala akong hiniling sa Diyos na hindi  Niya ibinigay. Kailangan mo lang minsan maghintay and it was worth the wait!” umiiyak pa rin niyang pahayag kay Dave sa kanilang exchanging of vows.

Ayon naman  sa mister ni Ara, hindi siya makapaniwala na pinag-isa na sila ngayon ng seremonya ng kasal at asawa na niya ngayon ang aktres. Nangako rin ito na aalagaan si Ara hanggang sa kanilang pagtanda.

 

 

Samantala, dahil sa banta ng COVID-19 virus ay hindi nakarating ang ilan sa mga ninong at ninang nina Ara at Dave. Wala sa Baguio sina Sharon Cuneta na nasa Amerika ngayon, Cong. Vilma Santos, at ang asawa nitong si Sen. Ralph Recto.

Wala rin ang dating manager ni Ara na si Dondon Monteverde at ang tumatayong manager niya ngayon na si Vic del Rosario ng Viva.

READ: EXCLUSIVE: Ara Mina at Dave Almarinez ikakasal ngayong June 30, 2021 sa Baguio City

Nagmistulang prinsesa naman si Ara suot niyang white wedding gown punumpuno ng Swarovski crystals at ang haba-haba ng train na dinesenyo naman ni Leo Almodal.

Ang naturang wedding gown ay regalo kay Ara ng kanyang mga kapatid na nag-ambagan pa para dito.

Suot naman ni Dave ang royal blue suit na dinesenyo naman ni Francis Libiran na nag-design din ng isa pang gown ni Ara na sinuot niya naman sa reception.

Congratulations and best wishes, Mr. and Mrs. Dave and Ara Almarinez.