• Home
  • Fresh Scoops
  • Ikinuwento ni Joel Cruz ang kanyang mga pinagdaanan para lang makamit ang kanyang pangarap na magkaroon ng sariling anak.

Ginastos ni Joel Cruz sa walong Filipino-Russian na mga anak, umabot ng 52 milyong piso

Ikinuwento ni Joel Cruz ang kanyang mga pinagdaanan para lang makamit ang kanyang pangarap na magkaroon ng sariling anak.

BY
PUSH TEAM

FRESH SCOOPS

06/23/2021 05:54 PM
Ginastos ni Joel Cruz sa walong Filipino-Russian na mga anak, umabot ng 52 milyong piso

Hindi umano naging madali ang pinagdaanan ni Joel Cruz bago niya nakamit ang matagal na niyang pangarap na magkaroon ng sariling anak. 

 

 

Pagbabahagi ni Joel sa panayam nito kay Ogie Diaz, sinubukan niya noon pa man ang surrogacy mahigit dalawang dekada na ang nakakaraan.

“Ayaw ko talaga ng adoption. Gusto ko sarili kong anak. Pero hindi ko naman kaya na may babae,” saad ni Joel. 

Ang surrogacy ay isang kasunduan kung saan pumapayag ang isang babae na magdalang-tao sa anak ng isang mag-asawa. 

Ngunit sa kasamaang palad, hindi umaabot ng tatlong linggo ang pagkapit ng mga bata sa sinapupunan ng mga babae tuwing sinusubukan nila ito noon. 

Dumaan naman umano sa matinding proseso ang fragrance mogul bago bigyan ng pahintulot ng mga awtoridad na Russia ang kanyang planong surrogacy. 

 

 

“Umiiyak na ako sa harap niya na gustong-gusto ko na talaga magka-anak,” ani Joel.  

Nang tanungin si Joel kung paano niya nalagpasan ang prosesong dinaanan niya, sinabi nito na naging malaking rason ang kakayahan niyang buhayin ang kanyang mga ito. 

“Kung alam talaga na you are sincere, na gustong-gusto mo talaga magka-anak, kaya mong bigyan ng buhay ‘yun, bigyan ng education ‘yun, mabigyan ng magandang buhay ang bata, papayagan ka nila,” saad ni Joel. 

LOOK: Joel Cruz welcomes his 8th child

Inamin naman ni Joel na nalulungkot ang ina ng kanyang mga anak tuwing oras na para kunin ang mga ito.  

“Naluluha siya. Nalulungkot siya. Kasi naman, hindi lang naman ako ang client niya. Bago ako, meron siyang French couple na naging client tapos second client niya ako. After nu’n, nag-client siya ng European din. Tapos nu’n, sakin na, pero hindi na nga kumakapit,” saad ni Joel. 

Malaki naman umano ang pasasalamat niya dahil maayos ang nabuo niyang relasyon kay Lilia na ina ng lahat ng anak niya. 

“Maganda ang relationship namin ni Lilia. I am really very thankful sa kanya kasi sa kanya lahat ng egg cells, kumbaga siya ‘yung mother. Tapos siya ‘yung nag-aalaga. So nakita ko kung papaano siya mag-alaga talaga,” ani Joel.

Hindi naman napigilan ni Ogie na maitanong kay Joel kung magkano ang nagastos niya sa lahat ng anak niya. 

‘“Yung unang set ko, kina Prince and Princess, lahat ‘yun ang nagastos ko kasama ‘yung eroplano, hotel and accommodation ko du’n, lahat mga tests, umabot ng mga 12 million pesos,” ani Joel. 

 

 

Maliban sa perang binayad sa ina ng mga anak niya, inaabutan din umano ito ni Joel ng pera. 

Aniya: “Inaabutan ko din si Liliia. Kumbaga personally, personal money binibigyan ko siya. Siyempre may bayad siya du’n sa firm no?”

“Alam ko du’n sa pangalawa mas less dun. Hindi siya umabot sa 12 naman. Parang 11 million lang siya sa pangalawa,” ani Joel na ibinahagi kung magkaon ang ginastos niya sa pangalawang kambal niya. 

LOOK: Joel Cruz as a doting father to his 8 beautiful children

“Umabot ng 11 million ‘yun. Kasi dalawa eh,” sambit ni Joey nang tanungin tungkol sa pangatlong kambal niya. 

Inabot naman umano sa tig-siyam na milyong piso bawat isa ang nagastos ni Joey sa kanyang ika-pito at ika-walong anak. “Single single, nasa million each,” ani Joey.

Panoorin ang video sa ibaba:

Samantala, inamin ni Joel na may ideya na ang kanyang mga anak tungkol sa kwento ng kanilang pamilya.

Dapat umano ay bibista ang ina ng kanyang mga anak sa Pilipinas ngunit hindi ito natuloy dahil sa pandemya.