• Home
  • Fresh Scoops
  • Ibinahagi nina Nikki Valdez at Nyoy Volante ang kanilang mga naging karanasan noong ipinasara ang ABS-CBN noong nakaraang taon.

PANOORIN: Star Magic artists, nagbalik-tanaw sa masakit na mga alaala ng ABS-CBN shutdown

Ibinahagi nina Nikki Valdez at Nyoy Volante ang kanilang mga naging karanasan noong ipinasara ang ABS-CBN noong nakaraang taon.

BY
PUSH TEAM

FRESH SCOOPS

05/06/2021 07:05 PM
PANOORIN: Star Magic artists, nagbalik-tanaw sa masakit na mga alaala ng ABS-CBN shutdown
Photo credit: @nikkivaldez_ @nyoyvolante IG

Binalikan ng ilang Star Magic artists ang kanilang masasakit na alaala isang taon matapos ipinasara ang ABS-CBN. 

Ilan sa mga nagsalita ay sina Nikki Valdez at Nyoy Volante na ibinahagi ang mga naramdaman nila noong mga panahong iyon sa programang Inside News ng Star Magic. 

Pagbabalik-tanaw ni Nikki, nanonood siya sa kanilang bahay noong huling umere sa free TV ang ABS-CBN. 


“I first learned of the shutdown while watching TV Patrol. So obviously, I was home with my family and I couldn’t believe what I was watching. Parang ang bilis lang talaga ng mga pangyayari,” ani Nikki. 

“Nu’ng nagsasalita na si Kabayan (Noli De Castro), siyempre nu’ng una in shock ka pa. But when he started tearing up and medyo nagka-crack ‘yung voice niya nu’n, sabi ko, ‘Totoo na ‘to’. Nu’ng una nagpipigil pa ako kasi nga katabi ko ‘yung anak ko nu’n,” pagpapatuloy pa ng aktres. 

“I didn’t want her to see me get hurt. But when ‘Lupang Hinirang’ started playing, ayun na, bumigay na ako. Basta, in total disbelief and I was just crying the whole time after,” dagdag pa niya. 

Nikki Valdez shares message for ABS-CBN’s detractors: ‘Hindi mananaig ang kasamaan’

Samantala, ibinahagi naman ni Nyoy Volante ang kahalagahan ng ABS-CBN para sa kanya at sa kanyang mga kapwa artista sa istasyon. 

“Looking back, you can’t help but feel very personal about it. May konting lungkot, may konting takot, may konting galit. And siyempre, you can’t help it because to most of us, ABS-CBN has been our second home. Pangalawang tahanan na namin itong pamilyang ‘to,” ani Nyoy. 

Bilib naman umano ito sa ABS-CBN dahil sa ginawa nitong pagbangon upang malagpasan ang mga pagsubok na pinagdaanan nito.

“And siyempre, when everything happened, you couldn’t help but feel a range of emotions. Ang dami-daming emotions na lumabas. And yet, one year after, knowing what we know now kung ano ang nangyari, I just feel proud. I feel so proud that we’re still here, standing strong, still in the service of the Filipino,” aniya. 

“Kung alam ko lang before, I wouldn’t have been that scared. I wouldn’t have been that devastated. Kasi kung alam ko lang na hanggang ngayon eh malakas at lumalaban pa rin ang ABS-CBN, iba talaga,” dagdag pa niya. 

Cayetano on ABS-CBN shutdown: 'We were all ambushed by the NTC'

“And to those who have been a part of that — from the shutdown hanggang ngayon, we are all witnesses to how you can’t keep a good man down, you can’t keep a good company down,” pagpapatuloy pa niya. 

Panoorin ang video sa ibaba: 

Pinahinto ng National Telecommunications Commission (NTC) sa pag-ere ng mga programa ng ABS-CBN sa free TV noong Mayo 5 matapos itong bigyan ng cease and desist order.