• Home
  • Fresh Scoops
  • Hindi napigilang maglabas ng sama ng loob ng singer at trans man na si Jake Zyrus sa mga patuloy na nagsasabing nami-‘miss’ nila si Charice Pempengco.

Jake Zyrus, may buwelta sa mga patuloy na nagsasabing nami-‘miss’ nila si Charice Pempengco

Hindi napigilang maglabas ng sama ng loob ng singer at trans man na si Jake Zyrus sa mga patuloy na nagsasabing nami-‘miss’ nila si Charice Pempengco.

BY
PUSH TEAM

Twitter: @Push_Alerts

FRESH SCOOPS

05/20/2021 10:02 AM
Jake Zyrus, may buwelta sa mga patuloy na nagsasabing nami-‘miss’ nila si Charice Pempengco
Photo Credit: @jakezyrusmusic Instagram

Hindi napigilang maglabas ng sama ng loob ng singer at trans man na si Jake Zyrus sa mga patuloy na nagsasabing nami-"miss" nila si Charice Pempengco.

Ito'y matapos niyang makatanggap ng komento mula sa ilang netizens na nagsabing naaalala nila si Charice sa kanyang bagong single na "Fix Me".

 


 
 
 
 
 
 
 
 
 
 
 
 
 
 
 

A post shared by Jake (@jakezyrusmusic)

 

"Nakaka-miss si Charice. Huhu. I miss your music," sabi ng isang netizen sa comment section ng music video ng kanyang bagong single.

"Hala, nagbabalik na siya. I hear Charice's voice. Yesss. Pagpupuyatan ko na naman siya sa mga songs niya," dagdag ng isa pang netizen.

BASAHIN: Jake Zyrus releases new single ‘Fix Me’

Sa Instagram Story, bumuhos ang galit at emosyon ni Jake laban sa mga netizen na patuloy na ikinukumpara siya kay Charice.

Aniya: "I don't care if you want to listen to my Charice songs all damn day or if you hear my Charice voice in my falsettos, because of course you dumbass MF, boses ko pa rin 'yon. Nag-transition lang.

"Sabi ko 'wag na patulan mga ganung tao kasi nagiging feeling na, pero hindi kasi bastos na talaga ang iba. Okay ako kung i-compliment mong naririnig mo kasi totoo naman 'yon. Pero para ipangalandakan mo na 'Charice is coming back', and also binabastos na ang pagkatao ko nang dahil lang doon, get yo MF transphobia ass away from me. 

"Feeling alam ang sinasabi. Patalino effect. Entitled."

Pag-amin ni Jake, noon pa man ay hindi na siya kumportable sa mga nagsasabing nami-miss nila si Charice, pero pinili niyang hindi magsalita sa kagustuhan na mapasaya ang ibang tao.

Sabi niya: "I've done some interviews where I'd say okay lang kahit sinasabi nilang nami-miss nila si Charice or sayang mga nangyari before and I'd just awkwardly smile and take it just because I wanted to please these MFs. Nakakalito na nga interviews ko para kahit papano 'di masyado problematic at medyo pasok pa rin sa 'nyetang standards ng karamihan.

"I am not MF okay with this. Kasi the more na sinasabi kong 'Ah, oo, okay lang 'yun,' okay lang na nagkakamali silang tinatawag akong Charice or okay lang na tanggap nila ako as Jake pero mas gusto nila ako pre-transitioned, the more na nagiging kampante ang ignoranteng palaka na bastusin kung ano ang naging desisyon ko sa buhay ko. 

"Lagi na lang ako nag-iisip kung anong sasabihin ko sa mga interviews para balance lang ang maisip ng mga tao at para 'di sila ma-trigger at sabihin na wala akong utang na loob or the 'kung 'di dahil sa amin or akin mentality'.

"Never again. Ilang beses na akong na-offend na hindi ako nagsasalita. Last na 'to. Tutal ke public or sa family or sa mga ex-friends ko eh mayabang at masama ang ugali ko, so be it.

"I know my MF heart. Bring it on."

Patuloy ni Jake, lubos ang kaniyang respeto para sa mga taong nirerespeto ang kaniyang nakaraan at kasalukuyan.

"Hindi 'yung respeto sa nakaraan, bastusin ang kasalukuyan," dagdag niya.

Mensahe naman niya sa mga patuloy na bumabastos sa kaniyang pagkatao bilang si Jake: "Ayusin mo opinyon mo. Ay, hindi pala opinyon 'yan. Insulto 'yan. Ignorante ka nga pala.

"Prepare ko sarili ko sa ibang sasabihing sila pa mabu-bully. LOL. Really tho, bless your hearts. Full of hate, convincing yourselves na tama ka just because sa mata ng tao normal ka? LUL. This goes out to some LGBTQ+ na bashers ko rin. Sa totoo lang tayo. 'Di talaga sa labels 'yan. Ugali ng tao talaga 'yan."

Para naman sa mga sumusuporta sa kaniya, sabi ni Jake: "Salamat sa mga nirerespeto ang mga nagawa ko before at nagagawa ko ngayon. Salamat kung naririnig niyo Charice voice ko, yet naa-appreciate din ang boses ko ngayon. Salamat sa mga nandiyan dahil sa mga nagagawwa ko ngayon. ... Love you, guys!"

Sa Twitter, ilang netizen ang nagtanggol at nakisimpatya kay Jake.

 

 

 

 

Taong 2017 nang aminin ni Jake—na unang nakilala bilang si Charice—sa publiko na isa siyang transgender man. 

Bilang parte ng kanyang transition, sumailalim si Jake sa breast removal surgery at testosterone-hormone therapy.