• Home
  • Fresh Scoops
  • Ibinahagi ni Amy Perez kung paano niya nalagpasan ang lungkot na naramdaman sa pagbukod ng noo’y kanyang binatang anak.

PANOORIN: Amy Perez, emosyonal na ibinahagi ang naramdaman nang kinailangang bumukod ang kanyang anak

Ibinahagi ni Amy Perez kung paano niya nalagpasan ang lungkot na naramdaman sa pagbukod ng noo’y kanyang binatang anak.

BY
PUSH TEAM

Twitter: @Push_Alerts

FRESH SCOOPS

05/13/2021 03:15 PM
PANOORIN: Amy Perez, emosyonal na ibinahagi ang naramdaman nang kinailangang bumukod ang kanyang anak

Hindi napigilan ng It’s Showtime host na si Amy Perez na maging emosyonal nang ibahagi kung ano ang naramdaman noong kinailangan niya nang bumukod ng kanyang anak na noo’y nasa tamang edad na.    

 

 

Sa episode ng noontime show nitong Miyerkules, Mayo 13, isang kalahok sa “Tawag Ng Tanghalan” ang nagbahagi ng kanyang naging karanasan nang sinubukan nitong tumira ng mag-isa. 

Kaya naman natanong ni Vice Ganda si Amy tungkol sa kanyang naramdaman nang kinailangan nang bumukod ng kanyang panganay na anak na si Adi. 

READ: Amy Perez says hubby Carlo Castillo plans to adopt her son Adi

Tanong ni Vice: “Ano ang feeling ng nanay o ng magulang, kung isang araw sasabihin ng anak mo na, ‘Nay, bubukod na ako. Hindi ako uuwi dito sa bahay.’ Anong feeling ng nanay?”

Pag-amin ni Amy, hindi niya mapigilang maiyak sa tanong ng komedyante at sinabing: “Tinatanong mo pa lang, naiiyak na ako, nanginginig na ‘yung boses ko.”

Ayon kay Amy, mas naging pribado ang kanyang anak at nagsimulang gumawa ng kanyang sariling desisyon nang unti-unti itong tumanda. 

READ: Amy Perez pens sweet message for ‘babe’ of 18 years

Pagbabahagi ni Amy sa kanyang mga natutunan: “Ito na ‘yung realization: hindi talaga forever makakasama mo ang mga anak mo.” 

Inihalintulad naman ni Amy sa isang saranggola ang pagbitaw sa kanyang anak.

 

 

“At one point, mari-realize mo na parang saranggola sila, na kailangan mo i-let go at makita mo lang na lumilipad sila. Bilang magulang, masaya ka na,” ani Amy. 

Bagama’t naging mabigat sa kanyang ang pag-alis ng kanyang anak, inamin naman ni Amy na naintindihan niya ito. 

Panoorin ang video sa ibaba:

Si Adi ay anak ni Amy sa una nitong asawa. Mayroon naman siyang dalawa pang maliit na anak sa asawa na si Carlo Castillo.