• Home
  • Fresh Scoops
  • Aside from her beauty, Gloria Diaz believes Rabiya Mateo seems to be a very nice girl.

Gloria Diaz on Rabiya Mateo’s chances of winning in the 2020 Miss Universe pageant: ‘I can never tell, but she is really deserving’

Aside from her beauty, Gloria Diaz believes Rabiya Mateo seems to be a very nice girl.

BY
Leo Bukas

Twitter: @leobukas

FRESH SCOOPS

04/30/2021 05:10 PM
Gloria Diaz on Rabiya Mateo’s chances of winning in the 2020 Miss Universe pageant: ‘I can never tell, but she is really deserving’
Photo credit: @gloria.diaz69, @rabiyamateo IG

Si Rabiya Mateo na kinatawan ng Pilipinas sa 69th Miss Universe pageant ang nangunguna sa isang shopping app online voting as of April 28, 2021. Kapag napanatili ni Rabiya ang pagiging number one sa online voting ay makasisiguro na siya ng spot sa semifinals.

Bukod sa Pilipinas na No. 1 sa ranking, ang iba pang top contenders base sa Lazada Philippines Miss Universe fan vote ay ang  2. Vietnam, 3. Indonesia, 4. Thailand, 5. Malaysia, 6. Korea, 7. Portugal, 8. Romania, 9. Armenia at Singapore na nasa no. 10.

Sa previous interview ng PUSH sa kauna-unahang naging Miss Universe ng Pilipinas na si Gloria Diaz ay nagkomento ito noon tungkol sa chance ni Gazini Ganados to win the crown when she competed for Miss Universe in 2019. 


Rabiya Mateo posts photo with no makeup on social media

Sambit pa noon ni Gloria, “You know, I was a judge when she won, so baka makalusot.”

Ngayon kaya, ano sa tingin niya ang chance ni Rabiya Mateo sa international pageant?

“Maganda naman si Rabiya talaga,” papuri ni Gloria sa ating representative sa ginanap na virtual presscon ng pelikulang Mommy Issues ng Regal Entertainment nitong April 29.

Kung kakayanin bang manalo ni Rabiya, ani Gloria, “I can never tell, but she is really deserving.”

Dagdag pa niya, “Maganda siya. Actually, ang dami kong nakikitang photos niya and she seems to be a very nice girl. Alangan naman sabihin kong pangit siya, ’no?"

Eh, ano naman ang reaksyon ng former beauty queen sa pangunguna ni Rabiya sa online voting ng isang shopping app?

“Happy! At least, hindi lang tayo sa COVID number one, di ba?” diretsong tugon ni Ms. Glo. “Kasi puwedeng tayo na siguro ang pinakamadaming Miss Universe. For how many years? Forty-five years? Tapos sunud-sunod na ngayon. Viva La Filipina!” pagmamalaki pa niya.

Gaganapin ang  69th Miss Universe coronation night sa Seminole Hard Rock Hotel and Casino in Hollywood, Florida sa May 16, 2021 (May 17 in Philippine time). Mapapanood ito nang live sa A2Z.

Meanwhile, speaking about her new film Mommy Issues na Mother’s Day offering ng Regal Entertainment, inilahad ni Gloria na wala siyang natatandaang mga naging “mommy issues” while she is raising her children. 

Sa pelikula na streaming worldwide simula May 7 via Upstream.Ph, Ktx.Ph and iWantTFC ay gaganap si Ms. Glo bilang nanay ni Pokwang. Kasama rin sa Mommy Issues sina Ryan Bang, Sue Ramirez at Jerome Ponce. The film is directed by Joey Reyes.