• Home
  • Fresh Scoops
  • Marami man ang nabibilib sa kanyang hosting style, inamin ni Edward Barber na kahit kailan ay hindi niya inasahang sasabak siya sa hosting.

Edward Barber, hindi inasahang sasabak sa hosting

Marami man ang nabibilib sa kanyang hosting style, inamin ni Edward Barber na kahit kailan ay hindi niya inasahang sasabak siya sa hosting.

BY
Pau Benoza

Twitter: @pauleaaa

FRESH SCOOPS

04/30/2021 03:53 PM
Edward Barber, hindi inasahang sasabak sa hosting
Photo Credit: @edward_barber Instagram

Hindi maitago ni Edward Barber ang kasiyahan sa patuloy na tagumpay ng kanyang online talk show na Kwentong Barber.

 

 

"Masarap sa pakiramdam," ani ng aktor at MYX VJ sa naging pagbisita nito sa Magandang Buhay nitong Miyerkules, Abril 28.

"Kasi 'yung team ko unang una is galing sa MYX din. It's nice kasi parang with my team nakabuo kami ng show na successful. Parang we did it ourselves," patuloy niya.

"Siyempre, kasama rin 'yung fans, kasama rin 'yung buong production, pero parang we did this together at naging successful 'yung show at nag-enjoy kaming lahat. Parang hindi kami nagtatrabaho... Masarap talaga sa pakiramdam."

Sa kabila ng natatanggap niyang papuri sa kanyang talk show, inamin ni Edward na kahit kailan ay hindi niya inasahang sasabak siya sa hosting. 

"Nagugulat po ako kasi hindi ko in-expect na ito 'yung magiging career path ko nung pumasok ako sa 'PBB'. Akala ko acting. Akala ko doon lang ako," pagbabahagi ni Edward.

"Pero nung na-discover ko 'to... marami akong mga mistakes sa hosting, 'yung nabulol ako sa spiels, pero na-realize ko dito ako nag-eenjoy. Kahit nahihirapan ako, kahit nacha-challenge ako, I'm having fun, so nahanap ko 'yung passion ko, 'yung gusto kong gawin," dagdag pa niya.

Kuwento ni Edward, isa sa mga hindi niya pinakamalilimutang guest sa show ay ang Asia's Songbird na si Regine Velasquez.

"So far, 'yung pinaka-memorable na guest si Ms. Regine Velasquez po. Kasi syempre 'pag nasa ASAP tayo, si Ms. Regine 'yun, focusws 'yun, hindi mo siya makausap masyado. Pero ito talagang 'yung buong ng point ng show is para makilala namin 'yung guest behind the image ng artist. So icon naman si Ms. Regine, pero sino siya as a mother, as a friend, as a wife? Ang dami niyang sinabi doon sa episode na 'yun na... natuwa lang ako na narinig ko 'yung mga ganung experience," ani Edward.

Nang matanong naman kung sino ang kanyang dream guest, sagot ni Edward: "Dream guest ko actually, hindi siya celebrity. Siya 'yung pastor ko sa church... Again 'yung point ng Kwentong Barber is para balikan namin 'yung story ng guest at ang ganda ng story ni Pastor James. So I hope to get him on the show one day."

Samantala, ipinaliwanag din ni Edward kung bakit hanggang ngaon ay hindi pa nagge-guest ang kanyang onscreen partner na si Maymay Entrata sa kanyang show.

Pagbubunyag ng aktor: "Si Maymay ang pang-finale namin. 

"Usually, 'yung live ng Kwentong Barber is one hour. Pero ayaw kong isipin 'yung time limit, so ang gagawin namin, actually tomorrow, [we'll do the] pre-taping po 'yung episode with Maymay for the finale. Baka maging two-parts siya. Pero promise po, kahit pre-taped, lahat tuloy tuloy, walang edit. So lahat nung mangyayari doon sa episode, makikita nila."

Sa nalalapit na pagtatapos ng Kwentong Barber, ibinahagi ni Edward na magkakaroon muli siya ng bagong show para sa MYX at TFC na pinamagatang Fresh Take. Ipapalabas ito sa Hunyo 5.

"It's a show about bringing OPM to the global stage, and showing the talent that we have here in the Philippines worldwide po. So abangan niyo po 'yun," ani Edward.

Napapanood ang Kwentong Barber sa MYX Philippines channel (@myxph) sa Kumu.

Bukod sa Kwentong Barber, napapanood din si Edward linggo-linggo sa iWant ASAP