• Home
  • Fresh Scoops
  • Sa ‘Magandang Buhay’ nitong Martes, Abril 27, kinumusta ang aktres na si Charlie Dizon tungkol sa estado ng kanyang love life.

Charlie Dizon, ibinahagi ang mga katangian na hinahanap niya sa isang lalaki

Sa ‘Magandang Buhay’ nitong Martes, Abril 27, kinumusta ang aktres na si Charlie Dizon tungkol sa estado ng kanyang love life.

BY
Pau Benoza

Twitter: @pauleaaa

FRESH SCOOPS

04/28/2021 01:06 PM
Charlie Dizon, ibinahagi ang mga katangian na hinahanap niya sa isang lalaki
Photo Credit: @charliedizon_ Instagram

Inamin ng aktres na si Charlie Dizon na single siya ngayon.

 

 

Sa Magandang Buhay nitong Martes, Abril 27, kinumusta si Charlie tungkol sa estado ng kanyang love life. 

"Wala pa rin po," ang naging sagot ng aktres.

Nang tanungin naman kung may nanliligaw ba sa kanya ngayon, sagot ni Charlie: "Wala talaga, tita. Hindi ko rin alam bakit."

Paliwanag ni Charlie, hindi rin siya naghahanap ng bagong pag-ibig, dahil gusto niyang mag-focus muna sa kanyang career sa ngayon. 

Gayunpaman, masayang ibinahagi ni Charlie ang mga katangian na hinahanap niya sa isang lalaki. 

"Mestizo po. Mas naa-attract ako sa mestizo talaga. Matangkad. Gusto ko siyempre 'yung mabait po sa akin talaga and sa family ko, and 'yung may goal din, may pangarap din. Ganun po," aniya.

Si Charlie, 25, ay kilala bilang bida ng sikat na mga pelikulang Fan Girl at Four Sisters Before the Wedding

Muling mapapanood ang aktres sa My Sunset Girl, ang bagong proyekto ng iWant TFC na ipo-produce ng Dreamscape Entertainment. 

Nakatakda rin siyang bumida sa bagong ABS-CBN teleserye na Viral, kung saan gaganap siya bilang babae na magiging biktima ng sex scandal. 

BASAHIN: Charlie Dizon, idinetalye ang paghahanda sa mga bagong proyekto

Makakasama niya sa serye sina Dimples Romana at si Jake Cuenca. Mapapanood ang palabas sa A2Z Channel 11, Kapamilya Channel, Kapamilya Online Live, at iWant TFC.